«Серпін-2050» жобасы бойынша колледждерге бөлінген гранттарды тек 5 облыстың балалары иелене алады. Колледждерге түсу үшін бұл оқу орындары орналасқан өңірлерге барудың қажеті жоқ, көшпелі қабылдау комиссиялары жастарды жіберуші облыстарда талапкерлерді қабылдайды.
Колледждер үшін ҰБТ және кешенді тестлеу тапсыру шарты жоқ. Колледждерге биыл болсын, бұдан бірнеше жыл бұрын болсын 11 сынып бітірген түлектер конкурс арқылы түсе алады.
Құжаттарды қабылдау және конкурс өткізу 5 облыстың аумағында өткізіледі. Мысалы, Алматы облысы бойынша колледждерге құжат тапсыру Талдықорған политехникалық колледжі, Жансүгіров көшесі, № 226 үй мекен-жайында орналасқан. Сол жерлерден көптеген ақпараттар алуға болады. Ал, оқу орындар мен мамандықтар тізімі жобаның ресми сайттарында тұр. Әрі біз қосымша басылымдарыңызға ұсындық.
