Қыздарға қандай мамандық таңдауға болады?

Question

Қыз балаларға қандай мамандық ұсынасыздар?

Answer 1

Ол сіздің қандай іске икеміңіз бен қызығушылығыңыз барына  байланысты.

Мамандық таңдауда ойланып жүрген аруларға көмекші болсын деген ниетпен қыздарға арналған мамандық түрлерін тізіп көрейік:

  Аудармашы. Бірнеше тіл білетін қыздар қиналмай-ақ осы мамандықты таңдай алады.

  Туризм менеджері. Жылдан-жылға шетелге шығып демалатын отандастарымыздың саны көбеюде. Байқасаңыз, туризм саласында көбіне жастар жұмыс істейді. Еңбек жолын осы саладан бастасаңыз болады. 

 Стилист-косметолог, визажист, сұлулық салонының қызметкері.

 Сурет салуға бейім, бояуды ұнататын, талғамы жоғары қыздарға арналған мамандық. Дизайнер. Бұл мамандық ауадай қажет. Әр үйдің әрін ашатын дизайнерлер жоғары бағаланады.

  PR менеджер. Олар тауардың халық арасында таралуына жауап береді.

  Стюардесса. Бұл мамандыққа жасы 35-ке дейінгі, киім өлшемі 46-ға дейінгі, бойы 160-175 см болатын, ағылшын тілін білетін, әдемі қыздарды таңдайды. 

 Тігінші. Олар қаржыны жақсы табады деуге болады. Тек жұмысыңызға шығармашылықпен келіңіз. 

 Шаштараз. Олар үйде отырып-ақ көрші-көлемнің шашын қиып, ақша таба алады.

  Фотограф. Кәсіби, дарынды фотографтар әрқашан сұранысқа ие.  

Банк қызметкері. Мансапты көздесеңіз, банкке барыңыз. 

 Фитнес тренері. Арулар өз сұлулығынан ештеңе аямайды. Сондықтан фитнес тренері әрдайым сұраныста. 

 Хатшы. Компанияның барлық құжаты хатшының қолынан өтеді. Екінші сөзбен айтқанда, ол – директордың оң қолы. 

Дәрігер. Дәрігерлер адамның басты байлығы – денсаулыққа жауап беретіндіктен, әрдайым жоғары тұрады. Табысы да қомақты.  

Бухгалтер. Бұл мамандыққа математиканы жаны сүйетін қыздардың барғаны жөн. 

 

Answer 2

Қазіргі кезде мамандық таңдау өте күрделі. Оның үстіне қыз балаға мамандықты дұрыс таңдау қажет. Ер балаларға қара жұмыстың да табылатыны белгілі. Ал қыздар үшін қиын болатыны анық. Зерттеулер нәтижесінде, қыздар қауымы қаражаты көп, мәртебелі қызметтерді таңдайтыны белгілі болды. Кішкентай кезінде теледидардан көп көрініс табатын модель, әнші, биші болуды қалайтындар есейе келе өз көзқарасын толығымен өзгертіп жатады. Сонымен қатар бұл мамандықтарды көпшілігі игере алмай жатады. Мамандық таңдауда нарықтағы сұранысы жоғары өзекті қызмет түрлерін анықтап алған дұрыс. Бухгалтер. Адам қалауы өзгергенімен, уақыт өтсе де, бұл мамандық өз қадірін кетірмейді. Бұл салаға есеп-шотты жақсы көретін, математикаға икемі бар қыздар барғаны жөн. Қаржыгер. Көптеген халықаралық және ұлттық компанияларда сұранысы жоғары мамандық. Аудармашы. Бұл үшін кемінде 2 немесе 3 тіл білу шарт. Қарапайым аудармашыдан дипломатқа дейін өсуге болады. Туризм менеджері. Бүгінде екінің бірі шетелге демалысқа барып жатады. Жылдан-жылға бұл көрсеткіш артуда. Сондықтан турбизнес әрқашан лайықты қызмет түрі болып есептеледі. Ең бастысы – турбизнесте көбіне жастар қауымы жұмыс жасайды. Бұл салада жүрсең адамдармен дұрыс тіл табысуды, жинақылықты үйренесіз. Стилист-косметолог: әйел затына лайық қызмет. Қаражаты жоғары, сұранысы да соған сай. Бұл мамандық сурет салуға деген икемділікті талап етеді. Шығармашылыққа жақын болу керек. Дизайнер. Ландшафт саласындағы дизайнерлер жоғары бағаланады. Әр үйдің сәнін келтіретін жиһаз, интерьердің дұрыс таңдалуы осы мамандықтың еншісінде. Бренд-менеджер. Кез келген тауар өнімінің халық арасына кеңінен таралуын қамтамасыз етеді. Өнімнен келіп түскен пайдаға және тауар көлеміне жауап береді. Шетелде бұл мамандық жоғары сұранысқа ие. PR саласының маманы. Жарнама саласында қызмет атқарады. Тауардың түр-келбетін жасап шығарады. БАҚ арқылы да жарнама жасайды. Ол үшін жаңа идеяға бай болу керек. Қыз балалар үшін аталмыш мамандықтардың барлығы дерлік тиімді. Өзіңіздің қалауыңыз бойынша мамандық таңдаңыз.

Толығырақ: https://zhalagash-zharshysy.kz/kogam/10482-yzdara-arnalan-yzmet-trler.html