Қалдықтар Қазақстан бойынша Алматы мен Астанада ғана өңделеді. Республикада тұрмыстық және басқа да қалдықтарды есепке алу, оларды залалсыздандыру мен көму шаралары өте нашар дамыған. Алматыда күніне 1500 тонна қоқыс шығарылады, жылына жарты миллионнан аса қоқыс төгіледі. Мұндай қалдықтар ешқандай қоршаусыз ашық аспан астында жатыр.
Қауіпті қалдықтардан қалай құтылуға болады?
Автокөлік аккумуляторы қажетіңізге жарамаса, оны автомеханикке немесе автобөлшектер сататын дүкенге апарсаңыз болады.
Принтер картриджі де – уытты зат. Принтер өндірушілер картриджді әдетте арнайы сөмкесімен бірге шығарады. Утилизациялау үшін сол сөмкені пайдалану керек.
Батареяларды басқа қалдықтар тәрізді тастайтын болсаңыз, жерасты сулары ластанады. Батареялар қайта өңделеді, сол себепті оларды жергілікті утилизация орталығына жөнелте аласыз.
Толығырақ "Қоқыс жәшігіне қандай қалдықтарды тастауға болмайды?" атты материалымыздан біле аласыз.
