Бюджеттен тыс қор – мемлекет қаржы жүйесінің маңызды бөлігі, мемлекеттің қатаң белгілі бір мақсаттарға пайдаланатын және заң жүзінде қалыптасуының бекітілген кездері бар қаржы ресурстарының жиынтығы. Экономикалық категория ретінде қарастырсақ, бюджеттен тыс корлар бірқатар қоғамдық қажеттіліктерді қамтамасыз ету үшін мемлекет тарапынан қаржы ресурстарын қайта бөлу және пайдалану жөніндегі қатынастар болып табылады.
Қор мақсаттары.
- шикізат пен материалдарды ұқсатып шығаратын жаңа технологияларды пайдаланып жарысқа қабілетті өнімдерді шығаратын, сондай-ақ бірге өнеркәсіпте өзінің қызметін жүзеге асыратын перспективкалық ұйымдарға өндірістік қызметтер көрсететін жаңадан құрылатын сонымен қатар жұмыс істеп тұрған ұйымдардың жарғылық капиталына инвестицияларды жүзеге асыру;
- инвестициялық жобаларды ұйымдардың жарғылық капиталына инвестицияларды жүзеге асыру Қормен ортақ қаржыландыру және бұл жобаларды басқаруға қатысу арқылы экономиканың шикізаттық емес секторына жұмсалатын жекеше инвестицияларды ынталандыру;
- отандық өндірісті дамытушы шетелдік ұйымдар арасында өндірістік корпорацияны қамтамасыз ететін Қазақстаннан тыс жерлердегі инвестициялық жобаларды бірігіп қаржыландыру арқылы шетелдегі Қазақстандық ұйымдардың инвестициялық белсенділігін арттыруға жәрдемдесу .
Түрлері.
Қазіргі таңда бюджеттен тыс қорлардың мынандай түрлері қоғамда көп кездеседі:
- Мемлекеттік жинақтаушы зейнетақы қоры;
- Әлеуметтік сақтандырудың мемлекеттік қоры;
- Міндетті медициналық сақтандыру қоры;
- Жұмыспен қамтамасыз етуге жәрдемдесу қоры;
https://kk.wikipedia.org/wiki/
