Кішіпейілдік Міне, ғажап!.. Үстінде қалың ақ жібек матадан тіккен костюмы, басында ақ шетен қалпағы бар, орта бойлы, толық, ат жақтылау, дөңес қыр мұрынды кісі есік алдында, баспалдақ үстінде, қолын көлге көлегейлеп, көше жаққа қарап тұр екен. Мұқаң үйіне келген кісіні - мейлі, жақсы үлкен ақсақал болсын, яки оқушы болсын - далада тұрып қарсы алады деп еститін Мəлік аға. Бұл Мұқаңа жарты сағат ерте келдім деп ойласа, ол кісі мұны одан да бұрын далада күтіп тұр екен-ау!.. Мұқаңа батыр аталар, елін сүйген ерлер туралы өз ойын айтып, кітап жазбақ болып келген Мəлік аға енді сондай адам бойынан жəне бір қасиет тапқандай болды. Оның аты - Мұхтар Əуезов секілді ұлу жазушының бойынан көрген кішіпейілдік.
