Мемлекеттік деген не? Мен зерттеуші, маман, сарапшы емеспін, сондықтан өзімнің түсінігімде оны қалай көремін - солай айтып көрейін.
Мен үшін мемлекет, кем дегенде:
- барлық актілері қағазға тіркелетін ел;
- қағазға түскен нақты заңдар жинағы бар ел;
- белгілі бір жүйелері бар ел: білім беру, соттау, әскер ұстау, дипломатиялық қарым-қатынастар;
- экономикалық және қаржылық процестерді түсінетін және соған орай әрекет ететін құрылымдары бар ел.
Қазақ хандығында бұлар болды ма? Хан сарайы іс-қағаздарын жүргізді ме? Шешімдер мен жарлықтар мұрағатталды ма? ЖОҚ!
Басқаны айтпағанда, бізде тіпті тарихи тұлғалардың оригинал суреттері жоқ. Тарихымыздағы нақты деректер басқа елдердің жылнамаларынан алынған, ал өзіміздің ғалымдар құрастырған тарих аңыз-әңгімелерге сүйенген.
Осыдан кейін мемлекет болған жоқ деген адамға қалай ренжисіңдер?
