Субмәдениет (қосалқы мәдениет) дегеніміз - көпшіліктен ұстанымы мен мінез-құлқы бөлек қоғам мәдениетінің бір бөлігі мен осы мәдениетті ұстанатын әлеуметтік топты білдіретін әлеуметтану, антропология, мәдениеттанудағы ұғым (термин). Субмәдениет қоғамда басымдық танытатын мәдениеттен өзіндік құндылық жүйесі, тілі, мінез-құлқы, киімі және тағы да басқа қырларымен ерекшеленуі мүмкін. Субмәдениеттер ұлттық, демографиялық, кәсіптік, географиялық және өзге де негіздерде болуы арқылы айырмашылықтарға ие. Көбіне, субмәдениеттер өзіндік диалектісімен тілдік нормадан ерекшеленетін этникалық қауымдар тарапынан құрылады. Мысалы, көпшілікке танымал жастар субмәдениетін атауға болады.
