Мұрын суықтағанда тыныс жолдары жабылып қалады. Яғни ол кезде гайморитте болуы мүмкін. Егер оны толық емдемей ұзақ уақыт, жылдап жүрген жағдайда сіздің сол тыныс жолдарыңызда, мұрныңыздың ішінде артық ет (киста) өсіп шығады. Ол толық жайыла бастағанда сіздің басыңыз, тіпті көзіңізге де әсер етіп ауыруы мүмкін. Кейіннен мұрныңыздан немесе аузыңыздан жағымсыз иіс шыға бастайды. Ол өзіңізге қатты сезіледі. Түскен қақырықтан жағымсыз иіс шығады, қақырықтың түсі ақшыл, кейде қанық жасылға яғни әдеттегі қақырықтан түсі өзгеше болып кетеді. Бұл жылдап дамиды. Қыста, көктемде қозады. Оны емдеудің жолы бар. Енді басталып келе жатқан болса дәрінің көмегімен емдеп жазады. Егер асқынған жағдай болса жеңіл түрде, алайда наркозбен ота жасайды.
