Тақырыбы: Менің отбасымның салт-дәстүрлері.
Мақсаты: Отбасы туралы түсініктерін кеңейту.Жанұя ортасына қарап шағын әңгіме құрауға үйрету.Есте сақтау қабілеттерін дамыту.Отбасы мүшелерін сыйлай білуге тәрбиелеу.
Көрнекі құралдар: Отбасы мүшелері туралы бейнетаспа.
1. Жылылық лебізі
Армысың, алтын күнім!
Жарқырап нұрын шашқан.
Армысың, көк аспаным!
Көгіңе самғап ұшсам.
Армысың, жер-анам!
Құшағын бізге ашқан.
Армысыңдар, достарым!
Әрқашан бірге жүріп, бірге ойнаған.
Балалар тәрбиешімен бірге айнала тұрып, өлең жолдарын қимылмен көрсете отыра айтады.
Ұйымдастыру-іздестіру
Тәрбиеші балалардың назарын теледидарға аударып, әңгімелеседі.
-Мынау-отбасы мүшелері.
-Мынау ана, ол үйде не істейді?
-Ал мынау, әке, ол үйде не істейді?
-Әкесі қайсы, көрсетші. Анасы қайсы?
-Қане, көрсетші, кім киімді үтіктеді? Кім еденді сыпырды?
-Отбасы мүшелерін атайықшы?
-Қыз анасына кім болып келеді? (қызы)
-Баласы анасына кім болады? (ұлы)
-Ұл бала қыз балаға кім болып келеді? (ағасы).
Тәрбиеші отбасы мүшелері туралы мағлұмат беріп, әңгімелейді.
-Сендер өз жақындарыңа қалай көмектесесіңдер?
-Ағасы мен інісі, әпкесі мен сіңлісі өзара ешқашан сөз таластырмайды. Ұрыспайды. Олар бір-бірін сыйлайды.
-Балалар, әр отбасының өз салт-дәстүрлері болады.
Кейбір отбасылар демалыс күндері барлығы қала сыртына серуенге баруды үрдіс етіеді.
Енді біреулері әр мерекені толық отбасы болып қарсы алады.
Кейбіреулері балаларын әр демалыс сайын циркке, театрға, саябаққа апаруды үрдіс етеді.
Балалар өз жанұя мүшелері туралы қысқаша әңгіме құрастырады. «Мынау менің әкем. Ал мынау анам. Менің қасымдағы ағам. Бұл менің отбасым. Мен отбасымды жақсы көремін...»
Балалар,өздерінің отбастарыңда қандай салт-дәстүрлер бар екенін әңгімелейді.
Рефлексивті-түзетушілік
«Еркелетіп айт» ойыны
Тәрбиеші алдын-ала отбасы мүшелерінің (ата, әже, ана, әке) еркелеткен сөздерін үнтаспаға жазып алады.
Үнтаспадағы отбасы мүшелерінің жылы сөздерін естіп, балалар кімнің еркелетіп айтқанын тауып айтады. Дұрыс тапқан баланы мадақтап, қол шапалақтайды.
Балалар өздерін отбасында қалай еркелететінін айтады.
Күтілетін нәтиже:
Не білуі керек: Отбасы туралы түсінік.
Нені игереді: Жанұя туралы шағын әңгіме құрауды.
Не үйренді: Отбасы тірегін сыйлау керектігін.
