Әнел Әрінова (Анель Аринова) - әнші, актриса, 1981 жылы 4 мамырда Талдықорған қаласында өнерлі отбасында дүниеге келген. 5 жасынан көркем гимнастикамен айналысқан, фортепиано бойынша музыкалық сыныпта оқыған. Мектеп қабырғасында жүріп, квартетте ән салған, түрлі мерекелік шараларда өнер көрсеткен. 1998 жылы Алматыға келіп, ЖОО-нын "Туризм" саласы бойынша оқып бітірген. Бірақ жастайынан өнерге құштар Әнел әкесінің сөзіне жазылған әнге әуен жазып, радиоға ротацияға жібереді. Кейін оны Айжан Нұрмағамбетова байқап, гастрольдік сапарына ертеді. 2004 жылы Ануа Қонарова "SAF" тобының мүшесі ретінде қабылдайды. Топ 2 жылға жуық өмір сүреді. 2006 жылы Баян Есентаеваның «КешYou» тобына кастинг арқылы қабылданып, 2012 жылға дейін сол топта өнер көрсетеді. 2012 жылдан жеке шығармашылығымен айналысуда. "Сұлу бойжеткен", "Городские легенды" телехикаяларына түсіп, актерлік қырынан да көрінген.
