Сіз көкейкесті мәселе дейсіз?! Демек,әлемде, елімізде шешілмей жатқан мәселелер бар. Ол мәселерді шешу керек келісемін, бірақ қалай? Егер билік басындағылар жиналып, ойларын ортаға салып, сол мәселелерді қалай жоюға болатынын ойластырмаса, ол өздігінен шешіле ма? Мысалға, бір ғана отбасында қандай да бір проблема болса, отбасы мүшелері жиналып, ақылдасады. Тіпті ондай жиналыстар күнде, әр кеште дастархан басында өтеді. Достармен де, әріптестермен де солай. Ал бұл жағдайда бүтіндей бір әлем, бүтіндей бір ел мәселесі. Миллиардтаған, миллиондаған халықтың жағдайы, болашағы. Өзіңіз келтірген завод мәселесі...ол заводты "әй" деп жалғыз біреу сала салмайды ғой...ол белгілі бір процесс...уақыт, ақша , кім, қалай, қайда салатын шешу керек. Саммит, әлемдік діндер бас қосулары өтті. Онда елдердің күрмеуі күрделі мәселелері, әлемдік діндердердің, әлем мұсылмандарының жағдайлары қарастырылып, түрлі шешу жолдары ұсынылды. Әр нәрсенің өз мәні бар, жауапкершілігі жоғары жиналыстарды "мағынасыз" деп кесіп айту ағаттық. Қаншама елдің басшылары ақымақ емес шығар, "мағынасыз" жиналыстарға қаражат жұмсап өткізетін. Бәрі бірден болмайды, "ақырын жүріп , анық бас"-, деген. Сол себепті, үкіметке ашу шақырудың қажеті аз. Бізге жазу, айту оңай. Ал ол мәселемен, бетпе-бет келіп, 17 миллион жанға жауапты адамдарға оңай емес.
