Біздің басты мақсатымыз, балалардың сапалы білім алуына жан-жақты жағдай жасау. Жалпы облыс бойынша апатты жағдайдағы мектептер саны – 19 құраған. Салынып жатқан мектептер есебінен 2015 жылы 9 мектептің мәселесі шешіліп, апатты мектептер саны 10-ға (2,2%) қысқарады. Қалған мектептердің мәселесі 2016-2018 жылдары кезең-кезеңімен шешіледі деп жоспарлануда. Шу ауданы Бірлік ауылында 600 орындық мектептің құрылысы 2014 жылдың маусым айында басталған. Құрылыс жұмыстары кестеге сәйкес 2015 жылдың 1 қыркүйегіне дейін аяқталатын болады. Бұл мәселе менің жеке бақылауыма алынған. Сондықтан, балаларыңыз жаңа оқу жылын жаңа мектепте бастайтын болады деп сенемін.
