Адам құлағы ортада таралатын жиілігі шамамен 16-20 кГц серпінді толқындарды қабылдайды. Одан жоғары жиіліктегі (құлақ ести алмайтын) тербелістер ультрадыбыс болып табылады. Одан да жоғары жиіліктегі дыбыстық тербелістер гипердыбыстар деп аталады. Сұйықтықтар мен қатты денелерде дыбыстық тербелістер 1000 ГГц-ке дейін жетуі мүмкін.
Иттерде есту қабілеті жақсы дамыған және олар тіпті адам ести алмайтын жоғары жиіліктегі тербелістер – ультрадыбысты да ести алады. Соғыс және полиция операциялары кезінде адамдар қашықтан иттеріне қарсыластар ести алмайтын бұйрықтар беру үшін ультрадыбыстың көмегіне жиі жүгінген екен. Оның үстіне, адам 4 м жерден әрең еститін дыбысты ит 24 м жерден ажыратып, дыбыс қайдан шыққанын анықтай алады-мыс.
Сондай-ақ, иттердің бір-бірінен айырмасы өте аз дыбыстарды да ажырату қабілеті бар. Мысалы, олар өзінің қожайынының мәшинесінің істеп тұрған моторын моделі дәл осындай басқа мәшинелердің моторларының дыбысынан ажырата алады дейді.
Иттерді шақыратын арнайы ысқырық Гальтон ысқырығы немесе ультрадыбыстық ысқырық деп аталады екен. Оны 1883 жылы Гальтон деген бір ағылшын жасаған.
