Бұл жеке үйдің ауласы, бізде мемлекеттік акт бар. Онда пәтердің әрбір тұрғыны шартты үлеске ие деп айтылған.
«Тұрғын үй қатынастары туралы» заңның 35-бабының 2-тармағында былай делінген: «пәтерлердің меншік иелерi ортақ мүлiктің және дара меншiктегi үй-жайлардың сақталуына және қауiпсiз пайдаланылуына жәрдемдесуге міндетті». Әрі қарай осы баптың 3-ші тармағында ортақ мүлiктi ұстауға жұмсалатын шығыстардың мөлшерi, егер меншiк иелерiнiң келiсiмiнде өзгеше көзделмесе, пәтер иесiнiң ортақ мүлiктегi үлесiне мөлшерлi белгiленедi делінген.
Біздің ПИК «Тасжол» ЖШС-мен асфальттау жөнінде келісімшарт жасады. Жұмыстың жалпы сомасы 20 млн теңге. Оған жөндеу және 1 500шаршы метрге жаңа асфальт жабынын жабу; 1300 шаршы метрге жаңа көлік тұратын жер салу, 143 метр жолжиек пен 70 м жаяу жүргіншілер өңіртасын орнату кіреді. Бізде тұрғындар жиналысы өтті, бірақ кворум болған жоқ. Қазір біз пәтер аралап, келісім алуға қол жинаудамыз. Мердігер жұмыстарды ақшаның түсуіне қарай бөліп-бөліп орындауға міндеттелді. Бізде мемлекеттік акт бар болғандықтан, қалалық бюджеттен асфальттауға қаржы бөлінбейді.
