Әдетте біздің көзімізге өз ұлтын ойламайтын шала қазақ боп көрінетіндер өзге ұлттардың арасында бәрібір қазақты жақтап отырады. Біреудің аузынан қалжың ретінде қазақтың шамына тиетін бір сөз шықса бірден тап береді. Орысшалап болса да салтымызды түсіндіріп жатады. Осындай жағдайға бірнеше мәрте куә болғам... Оларды, орыс тілді қазақтарды шеттете берудің, мәңгүрт ретінде санаудың қажеті жоқ. Көзін ашқаннан бастап ата-анасы үйреткен тілді, сауатын ашқан тілді бір мезетте ұмытып кету оңай емес қой.. Қазақша білмейтінін бетіне баса берсек алыстай береміз... Психология бойынша адамға әлденені қатаң түрде міндеттеп тастаса істеуге зауқы соқпайды екен. Қайта алдымен түсінік таба білейік.. Тілі басқа болса да рухы бір, қаны бір қазағымыз ғой...
