Бәрі жақсы болады сенесіңбе?
Бақыттың құшағына енесіңде!
Әлі талай самғайсың, ұмтыласың...
Қуаныштың жүрерсің кемесінде!
Бәрі жақсы болады бір күндері
Орнығады жүректің дүрсілдері
Менің бұлтым таралып күн шығады
Басылады көңілдің күрсінгені
Бәрі жақсы болады осыны біл,
Бақыт деген қайғының басымы бұл
Қайғырсаң да бір күні қуанасың
Сый ететін өмірдің тосыны бұл,
Жақсылықтан әрқашан қанаттанда,
Қайғырмағын көзіңнен қан аққанда,
Әлі де бәрі жақсы болып кетер
Сенемін мен әрқашан Жаратқанға!
Сынып кетіп жүрмегін ауырларға,
Қайыспа желдей соққан дауылдарға,
Өмір деген өрт болса, сен өзен бол,
Өртеніп кетіп жүрме жалындарға,
Ешқашан жақсылықтан айрылмағын,
Жұбатам деп бақыттың жайдым бағын,
Соңғы демің қалғанша күресе біл!
Бәрі жақсы болады қайғырмағын!
