Question

Г әрпіне дәрі дәрмек тауып берсеңіздер сипаттамсымен бірге керек?

Answer 1

ГАСТРОСИДИН

Дәрілік заттың медицинада қолданылуы жөніндегі нұсқаулық

Саудалық атауы

Гастросидин

Халықаралық патенттелмеген атауы

Фамотидин

Дәрілік түрі

Үлбірлі қабықпен қапталған таблеткалар 40 мг

Құрамы

Бір таблетканың құрамында белсенді зат – 40 мг фамотидин, қосымша заттар: лактоза (моногидрат), жүгері крахмалы, сусыз коллоидты кремнийдің қостотығы, магний стеараты, қабықтың құрамы: SeleCoat AQ-1257, қоңыр: гидроксипропилметицеллюлоза, гидроксипропилцеллюлоза, полиэтиленгликоль 6000, темірдің (ІІІ) қызыл тотығы (172), темірдің (Е ІІІ) сары тотығы (Е 172), тальк, титанның қостотығы (Е 171)

Сипаттамасы

Дөңгелек пішінді, екі жағы дөңес, ашық-қоңыр түсті, үлбірлі қабықпен қапталған, бір жақ бетінде сызығы бар таблеткалар

Фармакотерапиялық тобы

Ойық жараға қарсы препараттар және гастроэзофагеальді рефлюксті емдеуге арналған препараттар. Н2-гистаминдік рецепторлардың  блокаторлары. Фамотидин. АТХ коды А02BA03

Фармакологиялық қасиеттері Фармакокинетикасы

40  мг фамотидинді ішу арқылы қабылдағаннан кейін 1 – 3,5  сағаттан соң қан плазмасындағы ең жоғары концентрациясы 78 мкг/л құрайды, ал емдік деңгейі 24 сағат бойы сақталады.

Препараттың биожетімділігі 45%-ға жуықты құрайды. Қан плазмасының  ақуыздарымен байланысу дәрежесі  15 - 22%. 

Фамотидин организмнен көбінесе бүйрек арқылы (65-70%) бөлініп шығады, препараттың 30-35%-ы ішек арқылы шығарылады. Қабылданған дозасының 25-30%-ы организмнен өзгермеген күйінде несеппен шығарылады.

Бүйрек қызметі қалыпты емделушілерде жартылай шығарылу уақыты – 2,5 - 4 сағатты құрайды, креатинин клиренсі 30 мл/минуттан төмен емделушілерде  10-12 сағатқа дейін ұзарады.

Фармакодинамикасы

Гастросидин - әсер етуі ұзақ 3-буынды гистаминнің Н2-рецепторларының бәсекелес антагонисі. Гастросидинді 10-20 мг дозада ішіп қабылдау тұз қышқылының секрециясын, ең болмағанда, 12 сағаттың ішінде,  80%-дан астамға төмендетеді. Асқазанда  қышқыл секрециясын 50% -ға төмендету үшін қажетті фамотидиннің плазмадағы концентрациясы 13 мкг/л құрайды.

40 мг Гастросидинді қабылдағаннан кейін асқазанда қышқылдың рН-ы 5.0 – 6.4  құрайды.

Тұз қышқылы секрециясының Гастросидинмен тежелуі қан сарысуында гастриннің концентрациясын қалыпты көрсеткіштің жоғарғы шегіне дейін біршама арттыруы мүмкін.

Гастросидин тұз қышқылының секрециясын негізгі де, сонымен қатар ынталандырылған пентагастрин арқылы да төмендетеді.

Препараттың емдік индексі ауқымды, ол оның тиімділігін жоғары дозаларда ұзақ қабылдаған кезде де сақтауға мүмкіндік береді.

Золлингер-Эллисон синдромы бар науқастарда, Гастросидинді асқазанда тұз қышқылының секрециясын бақылайтын антихолинергиялық препараттармен ұзақ уақыт біріктіріп қолданған кезде,  қанның биохимиялық көрсеткіштері тарапынан өзгерістер байқалған жоқ.  Гастросидинді науқастар жақсы көтереді.

Қолданылуы

асқазан мен он екі елі ішектің ойық жаралы ауруларының алдын алу  және емдеуде
тұз қышқылы секрециясының жоғарылауымен байланысты патологиялық жағдайларда (Золлингер-Эллисон синдромы)
гастроэзофагеальді рефлюкстік ауруда (ГЭРА)
қабынуға қарсы стероидты емес дәрілерді (ҚҚСП) қабылдау кезінде асқазан-ішек жолының эрозиялы-ойық жаралы зақымдануының алдын алуда.

Қолдану тәсілдері және дозасы

Өршу сатысындағы асқазан мен он екі елі ішектің ойық жарасы –  40 мг препаратты түнге қарай. Емделу ұзақтығы – ойық жараның жазылу (тыртықтануы) динамикасына байланысты 4 – 8 апта. 

Асқазан мен он екі елі ішектің ойық жарасының қайталануының алдын алу

Асқазан мен он екі елі ішектің ойық жарасының қайталануының алдын алу үшін Гастросидинді 4-8 апта бойы тәулігіне 1 рет 20 мг дозада ұйықтар алдында қабылдау  керек. Золлингер-Эллисон синдромы 

Бұдан бұрын секрецияны басатын препараттар қабылдамаған науқастар әр 6 сағат сайын гастросидинді  бастапқы 20 мг дозада қабылдауы керек. Дозаны науқастың жағдайына қарай тағайындаған жөн және клиникалық көрсетілімдеріне сәйкес жалғастыру керек. Мұндай кезде препараттың тәуліктік дозасы мұндай науқастарда жағымсыз әсер тудырмайтындай, 400  мг-ға жеткізілуі мүмкін.

Гастроэзофагеальді рефлюкстік ауру (ГЭРА)  кезінде ішу арқылы қолдану үшін ұсынылатын дозасы күніне екі рет 20 мг, емдеу ұзақтығы 6-12 апта. ГЭРА эзофагитпен қатар жүретін жағдайларда, Гастросидиннің ұсынылатын дозасы 12 апта бойына 20-40 мг құрайды.

Қабынуға қарсы стероидты емес дәрілерді (ҚҚСП) қабылдау кезінде асқазан-ішек жолдарының эрозиялы ойық жаралы зақымдануларының алдын алу

Ұзақтығы қабынуға қарсы стероидты емес дәрілерді (ҚҚСП) қабылдау мерзімі бойына тәулігіне 1 рет ұйықтар алдында 20 мг-ден. Емделушілердің ерекше топтарында қолдану тәсілі  және дозасы

Бүйрек жеткіліксіздігі

Гастросидин негізінен бүйрекпен шығарылатындықтан,  оны бүйрек жеткіліксіздігі бар науқастарда сақтықпен қолдану керек. Егер креатинин клиренсі <30 мл/минут, ал сарысу креатинині деңгейі >3 мг/мл болса, ең жоғарғы тәуліктік дозасы тәулігіне 20 мг дейін төмендетілуі немесе қабылдаулар аралығы 36-48 сағатқа дейін ұзартылуы тиіс.

Жағымсыз әсерлері

Жиі тәбеттің болмауы, ауыздың құрғауы, дәм сезудің бұзылыстары, жүрек айнуы, құсу, іштің кебуі, диарея немесе іш қату бас ауыруы, бас айналуы, қатты қажығыштық, құлақ ішінің шуылы, өтпелі психикалық бұзылулар бұлшықеттердің ауыруы, буындардың ауыруы мүмкін тері бөртпесі, бронх түйілуі, қызба, аллопеция, кәдімгі безеулер, терінің құрғауы, ангионевротикалық ісіну, анафилактикалық шок, басқа да гиперсенсибилизация көріністері

Жиі емес

құрысулар
психикалық бұзылыстар
лейкопения, тромбоцитопения - аритмия, атриовентрикулярлық блок
бауыр       ферменттері        белсенділігінің    жоғарылауы, гипербилирубинемия, мочевина деңгейінің артуы

Сирек

холестатикалық сарғаюдың дамуы

Өте сирек

агранулоцитоз, панцитопения 
ұзақ уақыт қабылдаған кезде – гиперпролактинемия, гинекомастия, аменорея, либидо төмендеуі, белсіздік.

Қолдануға болмайтын жағдайлар

фамотидинге және препараттың басқа компоненттеріне жоғары сезімталдық 
жүктілікте және лактация кезеңі
тұқым қуалайтын фруктозаны көтере алмаушылық, Lapp-лактаза ферментінің тапшылығы, глюкоза-галактоза мальабсорбциясы
18 жасқа дейінгі балалар мен жасөспірімдерге

Дәрілермен өзара әрекеттесуі

Фамотидинді антикоагулянттармен бір мезгілде қолданған кезде протромбиндік уақыттың артуы және қан кетулер даму мүмкіндігі жоққа шығарылмайды.

Фамотидинді  құрамында магний гидроксиді және алюминий гидроксиді бар антацидтермен бір мезгілде қолданғанда фамотидиннің сіңірілуі азаюы мүмкін.

Фамотидинді итраконазолмен бір мезгілде қолданғанда итраконазолдың қан плазмасындағы концентрациясы азаюы және оның тиімділігі төмендеуі мүмкін. 

Фамотидинді  нифедипинмен бір мезгілде қолданғанда, нифедипиннің теріс ионотропты әсерінің күшеюі салдарынан, жүректің минуттық көлемінің және жүректегі қанды лықсытуының азайған жағдайлар сипатталған.

Фамотидинді норфлоксацинмен бір мезгілде қолданғанда норфлоксациннің қан плазмасындағы концентрациясы азаяды, пробенецидпен – фамотидиннің қан плазмасындағы концентрациясы жоғарылайды.

Фамотидинді иклоспоринмен бір мезгілде қолданған кезде қан плазмасындағы циклоспориннің концентрациясы біршама жоғарылауы мүмкін.

Бір мезгілде қолданған кезде фамотидин кетоконазолдың сіңірілуін азайтады.

Айрықша нұсқаулар

Бүйрек және бауыр қызметі бұзылған емделушілерге сақтықпен қолданылады.

Ауыр бүйрек жеткіліксіздігі бар емделушілерге (креатинин клиренсі <10мл/мин) дозалары арасындағы аралықтарды ұзағырақ ету немесе төменірек дозалары ұсынылады

Емдеуді бастар алдында өңеште, асқазанда немесе он екі елі ішекте   қатерлі ісіктің бар-жоғы анықтау қажет. Бауырдың микросомалық ферменттерінің белсенділігін өзгертпейді.

Ұзақ уақыт емдеу кезінде науқас дәрігердің бақылауында болуы тиіс. Антацидтер мен Гастросидинді қабылдау арасында 2 сағат және одан да ұзақ аралықты сақтаған жөн.

АВ блокада қаупі болғандықтан, Гатсросидинді жүректің соғу ырғағы бұзылған емделушілерге сақтықпен және дәрігердің бақылауымен тағайындайды.

Дәрілік заттың көлік құралын немесе қауіпті механизмдерді басқару қабілетіне әсер ету ерекшеліктері

Орталық  жүйке жүйесі (ОЖЖ) тарапынан жағымсыз әсерлер дамуы мүмкін          екендігін    ескере        отырып,     зейінді        жұмылдыруды   және психомоторлық реакциялардың шапшаңдығын қажет ететін қауіпті қызмет түрлерімен айналысу жөніндегі мәселелерді,  емделушінің препаратқа жекелей реакциясына баға берілгеннен кейін ғана шешкен жөн.

Артық дозалануы

Белгілері –  құсу, қимыл-қозғалыстың қозуы, термор, брадикардия, артериялық қысымның төмендеуі, коллапс, аритмия, тахикардия. Емі  – асқазанды шаю; қажет болған кезде белгілеріне қарай ем жүргізіледі.

Шығарылу түрі және қаптамасы

10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамаға салады.

3 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қаптамаға салынады.

Сақтау шарттары

25оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі 3 жыл

Жарамдылық мерзімі өткен препаратты қолдануға болмайды!

Дәріханалардан босату шарттары

Рецепт арқылы 

Өндіруші

Зентива Саглык Урюнлери Санаи ве Тиджарет А.О., Түркия

Тіркеу куәлігінің иесі

Зентива Саглык Урюнлери Санаи ве Тиджарет А.О., Түркия

Қазақстан Республикасы аумағында тұтынушылардан өнім (тауар)  сапасына қатысты шағымдарды қабылдайтын ұйымның мекенжайы «Санофи-авентис Қазақстан» ЖШС 050016  Алматы қ., Қонаев көшесі,  21Б телефон: 8-727-244-50-96 факс: 8-727-258-25-96 e-mail: [email protected]  

Answer 2

Гиоксизон

 

Саудалық атауы

Гиоксизон

 

Халықаралық патенттелмеген атауы

Жоқ

 

Дәрілік түрі

10 г жақпа май

 

Құрамы

100 г жақпа майдың құрамында

белсенді заттар:гидрокортизон ацетаты 1 г

окситетрациклин гидрохлориді (белсенділігі 860 ӘБ/мг) 3 г,

қосымша заттар: нипагин, вазелин майы, медициналық вазелин - 100 г-ға дейін.

 

Сипаттамасы

Сары түсті жақпа май

 

Фармакотерапиялық тобы

Антибиотиктермен біріктірілген, белсенділігі әлсіз кортикостероидтар.

АТЖ коды  D07СА01

 

Фармакологиялық қасиеттері

Фармакокинетикасы

Препаратты теріге жаққаннан кейін гидрокортизон эпидермисте, негізінен,  түйірлі  қабығына жиналады. Гидрокортизонның аздаған бөлігі  эпидермисте өзгеріске ұшырайды, үлкен бөлігі тері жабыны арқылы  жүйелік қан ағысына сіңеді және, негізінен, бауырда өзгеріске ұшырайды. Метаболиттер және өзгермеген гидрокортизонның аздаған бөлігі несеппен  бірге немесе өтпен бірге бөлініп шығады.

Зақымданбаған теріге жаққан кезде окситетрациклин гидрохлориді іс жүзінде сіңбейді.

Фармакодинамикасы

Біріктірілген препарат, препараттың құрамына кіретін компоненттердің жиынтық әсерінің нәтижесінде терінің қабыну реакцияларының, әсіресе тегі аллергиялық түрінің, асқынған бактериялық жұқпаның дамуын төмендетеді.

Гидрокортизон - глюкокортикостероид (ГКС), қабынуға қарсы, аллергияға қарсы, жалқыққа қарсы және қышуға қарсы әсер етеді. Фагоцитозды тежейді; жасушалық қабықша фосфолипидтерінен арахидон қышқылының босап шығуының азаюы және А2 фосфолипаза белсенділігін бәсеңдету жолымен простагландиндер мен лейкотриендердің синтезін азайтады. Интерлейкиндердің және қабыну үдерісін тудыратын басқа цитокиндердің босап шығуын басады; гистаминнің босап шығуын және жергілікті аллергиялық реакциялардың пайда болуын тежейді. Ақуыздардың синтезін және теріде коллагеннің жиналуын төмендетеді,  дәнекер тіндердің дамуына кедергі жасайды, пролиферативті үдерістерді әлсіретеді.

Окситетрациклин - тетрациклиндер

 

Геделикс ®s.a.

 

Саудалық атауы

Геделикс ®s.a.

 

Халықаралық патенттелмеген атауы

Жоқ

 

Дәрілік түрі

Ішке қабылдауға арналған  50мл тамшылар

 

Құрамы

белсенді зат- ағашшырмауықтың жапырағынан алынған сұйық сығынды 0,04г, DAC (2,2 - 2,9 : 1)

қосымша заттар: жалбыз  майы, пропиленгликол, глицерол, хошиістендіргіш

 

Фармакотерапиялық тобы

Суық тию мен жөтел белгілерін  басатын препараттар. Қақырық түсіретін препараттар.

АТЖ коды  R05CA

 

Фармакологиялық қасиеттері

Геделикс ®s.a. -өсімдік тектес дәрілік зат, оның құрамында белсенді зат ағашшырауық жапырағының сығындысы бар.  Жедел  және созылмалы түрде өрбитін  жоғарғы және төменгі тыныс жолдарындағы негізінен сұйық болатын сөлініс,  созылмалы жабысқақ шырынға айналып, қақырық шығаруы аз жөтелді тудырады, Спиртсіз Геделикс® тамшысының көмегінің салдарынан тыныс жолдарындағы шырын сұйықтанып, қақырықтың шығарылуы, дем алу жеңілдеп жөтелу азайып немесе мүлде тоқтайды.

 

Қолданылуы

Тыныс алу жолдарының жедел және созылмалы түрде өрбитін ауруларында, жедел және созылмалы түрдегі бронхитте (оған тарылмалы бронхит те жатады), трахеобронхитте, бронхоэктаз ауруларында.

 

Қолдану тәсілдері және дозасы

Геделикс ® s.a сұйылтылмаған күйде  тамақ қабылдаумен байланыстырмай-ақ қабылдауға болады. Балаларға жөміс шырында немесе шай арқылы сұйылтып барып  тағайындау керек. Қолдану ұзақтығы аурудың түрі мен ауырлығына байланысты болады, дегенмен тыныс алу жолдарының тіпті жеңіл түрде өтетін ауруларында, емдеуді кем дегенде бір апта бойы жүргізу керек. Белгілері кеткеннен кейін емдеуді тағыда 2-3 күн бойы жалғастыруға кеңес беріледі.

Төменде науқастың

 

Гексикон®

 

Саудалық атауы

Гексикон®

 

Халықаралық патенттелмеген атауы

Хлоргексидин

 

Дәрілік түрі

Жергілікті және сыртқа қолдануға арналған 0,5% гель

 

Құрамы

100 г гельдің құрамында

белсенді зат - 0,5 г хлоргексидин биглюконаты бар,

белсенді заттар: полоксамер 407, кремофор-RH 40 (гидрирленген майсана майы полиоксил 40), тазартылған су -100 г дейін.

 

Сипаттамасы

Түссіз мөлдір ерітінді

 

Фармакотерапиялық тобы

Антисептиктер мен зарарсыздандырғыш препараттар. Бигуанидтер мен амидиндер.

АТЖ коды D08AC02

 

Фармакологиялық қасиеттері

Фармакокинетикасы

Хлоргексидин биглюконатының негізінен жергілікті әсері бар, өйткені тері және шырыштар арқылы нашар сіңеді.

Фармакодинамикасы

Гексикон® - антисептикалық препарат, грамоң және грамтеріс бактериялар (Treponema spp., Neisseria gonorrhoeae, Trichomonas spp., Chlamidia spp., Ureaplasma spp.); вирустар (II түрдегі Herpes simplex) жөнінде белсенді. Тері мен шырыштарға жаққанда бактерицидті әсер етеді. Қан, ірің болғанда белсенділігін (біршам төмен де болса) сақтайды.

 

Қолданылуы

-        вульвовагиниттерде

-        баланиттерде, баланопоститтерде

-        пиодермияда, импетигода, паронихияда, панарицийде, зеңденуде

-        гингивитте, стоматитте, афталарда, парадонтитте, альвеолитте.

 

Қолдану тәсілі және дозалары

Вульвиттерді, баланиттерді, баланопоститтерді емдеу үшін гельді  зақымданған жерлерге күніне 2 реттен 7-10 күн бойы жағады.

Тері жұқпаларын емдеу үшін Гексикон® гелін зақымданған жерлерге тәулігіне 2-3 рет жағады. Емдеу курсы  - 7-14 күн.

Стоматологияда гель тәулігіне 2-3 рет 1-3 минуттан экспозициялайтын аппликация түрінде қолданылады. Емдеу курсы  - 7-14 күн.

 

Жағымсыз әсерлері

-        аллергиялық реакциялар, қышыма, терінің

Гепарин

 

Саудалық атауы

Гепарин

 

Халықаралық патенттелмеген атауы

Гепарин

 

 

Дәрілік түрі

Ерітінді 5000 ӘБ/1 мл

 

Құрамы

5 мл ерітіндінің құрамында

белсенді зат - Гепарин                         25000 ӘБ

қосымша заттар: 45 мг бензил спирті, 17 мг натрий хлориді 5 мл-ге дейін инъекцияға арналған су  

 

Сипаттамасы

Түссіз немесе ашық-сарғыш түсті мөлдір сұйықтық.

 

Фармакотерапиялық тобы

Антикоагулянттар. Гепарин және оның туындылары

АТЖ коды В01АВ01

 

Фармакологиялық  қасиеттері

Фармакокинетикасы

Көктамыр арқылы бір рет енгізгенде антикоагулянтты әсері бірнеше минуттан соң дамиды да, 4-5 сағатқа дейін жалғасады.  Тері астына енгізгенде 20-30 минуттан соң әсер етеді.  12 сағат және одан да  ұзақ жалғасады (дозаға байланысты). Топтаспаған стандартты гепарин үшін антиагрегантты белсенділік пен (Ха антифакторының) антикоагулянтты белсенділіктің (БЖТУ) арақатынасы 1:1 құрайды.

Тері астына енгізгенде плазмадағы ең жоғары қанығу деңгейі 4-5 сағаттан соң анықталады. Қан плазмасының ақуыздарымен гепариннің 95 %-ы  байланысады,  таралу көлемі өте кішкентай - 0,06 л/кг (қан плазмасының ақуыздарымен байланысы күшті болғандықтан тамыр ағымынана кетпейді). Плацента арқылы өтпейді және өмірі сүтіне өтпейді. Бауырда гепариназаның қатысуымен метаболизденеді. Тромбоцитарлы ІV түркісінің метаболизіне қатысады, сондай-ақ  макрофагтар жүйесінде гепариннің байланысуы жылдам биологиялық белсенділіктің болмауы және әсердің қысқа мерзімділігін  түсіндіреді. Несеппен негізінде белсенді емес метаболиттер түрінде шығарылады. Т1/2 1-2 сағатты құрайды.

Фармакодинамикасы

Гепарин ірі қара малдың өкпесінен немесе шошқалардың аш ішегінің шырышты қабығынан алынатын  молекулярлы салмағы 16000 полисахарид болып табылады. Тікелей әсер ететін антикоагулянт. Орташа молекулярлық гепариндер тобына жатады, фибриннің пайда болуын бәсеңдетеді.

Answer 3

Медициналық мақсаттағы бұйымның атауы Гиалурон қышқылы негізіндегі синовиальді сұйықтықтың Synvisc-One® (Гилан G-F 20) тұтқыр-серпімді имплантаты

Бұйымның құрамы мен сипаттамасы 1 мл Гилан G-F 20 құрамында: гилан 8,0 мг, натрий хлориді 8,5мг, натрий моногидрофосфаты 0,16 мг, натрий дигидрофосфаты моногидраты 0,04 мг, 1 мл-ге дейін инъекцияға арналған су q.s.бар. Гилан G-F 20 стерильді, апирогенді, тұтқыр-серпімді, құрамында гиалурон қышқылы негізіндегі гилан (полимер) сұйықтығы бар. Гиландар N- ацетилглюкозаминнің және натрий глюкуронатының қайталанатын дисахаридтік бірліктерінен тұрады. Гилан G-F 20 құрамында натрий хлоридінің (рН 7.2±0.3) физиологиялық буферлік ерітіндісіндегі гилан А және гилан В бар. Гилан А-ның шамамен 6.000.000 дальтон орташа молекулалық массасы бар, ал гилан В гидрадацияланған гель болып табылады. Гилан G-F 20 биологиялық ұқсас гиалуронан болып табылады. Гиалуронан – бұл тұтқыр-серпімділікке жауап беретін синовиальді сұйықтық компоненті. Алайда Гилан G-F 20-ның механикалық (тұтқыр-серпімді) қасиеттері синовиальді сұйықтықпен және концентрациялары ұқсас гиалуронан ерітінділерімен салыстырғанда айқынырақ болып табылады. 2,5 Гц болғанда Гилан G-F 20 созылғыштыққа (динамикалық серпімділік модулі G’) 111±13 Паскаль (Па) және тұтқырлыққа ие (динамикалық жоғалту модулі G”) 25±2 Па. 2,5 Гц болғанда салыстырмалы әдіспен өлшенген 18-27 жастағы адамның тізе буынындағы синовиальді сұйықтықтың созылғыштығы мен тұтқырлығы мынаны құрайды: G’=117±13 Па және G”=45±8 Па. Гиландар адам организмінде гиалуронан сияқты метаболизмдік жолмен ыдырайды, ыдырау өнімдері уытты емес.

Қолданылу саласы - уақытша алмастырушы (уақытша имплантат) және синовиальді сұйықтыққа қосымша болып табылады - буын патологиясының барлық сатыларында емделушілер үшін пайдалы болып табылады - синовиальді сұйықтықтың тұтқырлығын қалпына келтіру арқылы емдік әсерге қол жеткізуге болады, соның салдарынан буынның жалғағыш тіндерінің физиологиялық және реологиялық қасиеттері қалпына келтіріледі - зақымдалған буынмен ұдайы және белсенді қозғалатын емделушілерде тиімдірек Synvisc-One® (Гилан G-F 20) тізе буынының остеоартритімен байланысты ауыруды емдеу үшін білікті маманның тек буын ішіне қолдануына арналған. Гилан G-F 20 көмегімен синовиальді сұйықтықтың тұтқырлығын қалпына келтіру – бұл буынның көбірек қозғалуына қол жеткізуге мүмкіндік беретін ауыру мен жайсыздықты азайтуға бағытталған ем. Зертхана жағдайында зерттеу Гилан G-F 20-ның белгілі бір физикалық және химиялық зақымданулардан шеміршек жасушаларын қорғайтынын көрсетті. Гилан GF 20 тек инъекция жүргізілген буынға әсер етеді; ол жалпы жүйелік әсер көрсетпейді.

Қолдану тәсілі Тізе буынының остеоартриті Ұсынылатын емдеу сызбасы – тізе буынына бір инъекция 6 мл. Егер мұны емделуші симптомдары қажет етсе, инъекцияны алты айдан кейін қайталауға болады. Тізе буынының остеоартритінен зардап шегетін емделушілердің жай-күйі туралы перспективалық клиникалық деректер Synvisc-One® бір реттік инъекциясынан кейін емнің жағымды әсер етуі 52 аптаға дейін созылатынын көрсетті. Егер қаптамасы ашылған немесе бүлінген болса, Synvisc-One® пайдаланбаңыз. Еккіштің ішіндегісі қаптамасы ашылғаннан кейін бірден қолданылуы тиіс. Еккіштің толық көлемдегі (6 мл) инъекциясын пайдалану ұсынылады. Қажет болғанда рентгеноскопия сияқты қолайлы шараларды қолдана отырып, тек синовиальді қуысқа инъекция жасау керек. Гилан G-F 20 препаратын енгізгенге дейін синовиальді сұйықтықты немесе буын жалқығын алып тастау керек. Инъекцияны бөлме температурасында жасау керек. Еккішті қаптамасынан (немесе астаушадан) шығарып алу үшін поршень штогына қол тигізбей, оның корпусынан ұстаңыз. Винттік қалпақшаны шешкен кезде ерекше назар аудара отырып, тек асептикалық емшараларды қолдану арқылы пайдалану керек. Сұр винттік қалпақшаны шешіп алардан бұрын оны бұрыңыз, бұл препараттың ағып кетуін азайтады. Қолайлы өлшемдегі инені қолданыңыз: Synvisc-One® үшін – 18-20 калибрлі. Тұмшалануын қамтамасыз ету және ағып кетуді болдырмас үшін қолданған кезде Люэр айырымын мықтап ұстап тұрып, инені тығыздап қойыңыз. Инені жалғаған немесе иненің қорғағыш қондырмасын шешіп алған кезде тартпаңыз және шамадан тыс күш түсірмеңіз, себебі бұл еккіштің ұшын бүлдіруі мүмкін. Пайдаланылмаған еккіштерді жою қажет. Еккіштің ішіндегісі тек бір рет қолдануға арналған. Еккішті және/немесе инені қайталап пайдаланбаңыз. Еккіштерді, инелерді және/немесе пайдаланылған еккіштен алынған өнімді қайталап пайдалану өнімнің стерильділігінің жоғалуына, жұқпалануына және/немесе тиімсіз емдеуге әкелуі мүмкін. Synvisc-One® (Гилан G-F 20) қайталап стерилизацияламаңыз. Флюороскопиялық бақылауды пайдаланған кезде ионды және ионды емес контрастылы затты қолдануға болмайды. 2мл Гилан G-F 20-ны 1 мл контрастылы заттан көп қолданбау керек. 

Жағымсыз әсерлері Synvisc-One® (Гилан G-F 20) буын ішіне инъекциялағаннан кейін буындардың өтпелі ауруы мүмкін және/немесе ісінуі және/немесе буын жалқығы туындауы мүмкін. Кейбір жағдайларда жалқық айтарлықтай болуы және айқындалған ауыруды туғызуы мүмкін; жұқпаларды немесе кристалды артропатияны анықтау үшін сұйықтықты алып тастау және талдау маңызды. Мұндай реакциялар әдетте бірнеше күн ішінде өтіп кетеді. Synvisc-One® бақыланатын клиникалық зерттеулер аясында Synvisc-One® қабылдайтын емделушілер тобында және плацебо қабылдайтын емделушілерде жағымсыз құбылыстардың жиілігі мен типі ұқсас болған. Synvisс® (2 мл) препаратын тіркеуден кейін қолдану тәжірибесі төмендегілерді анықтады: сирек көрінетін жүйелі жағымсыз құбылыстар: бөртпе, есекжем, қышыну, ысыну, жүрек айнуы, бас ауыруы, бас айналуы, қалтырау, бұлшықет құрысулары, парестезия, шеткергі ісіну, дімкәстік, тыныс алудың қиындауы, гиперемия, беттің ісінуі. 

Қолдануға болмайтын жағдайлар - тиісті аяқ-қолда көктамырлық немесе лимфа стазы болғанда буынға енгізуге болмайды - жұқпаланған немесе айтарлықтай қабынған буынға немесе тері ауруларынан немесе инъекция орнындағы жұқпалардан зардап шегетін емделушілерді емдеу үшін қолдануға болмайды.

 Сақтандыру шаралары Тамыр ішіне енгізуге болмайды! Буыннан тыс немесе синовиальді тіндерге немесе капсулаға енгізуге болмайды! Енгізген жердегі жағымсыз құбылыстар негізінен Synvisc-One® буыннан тыс енгізгеннен кейін туындаған. Теріні өңдеуге арналған құрамында төрттік аммоний тұздары бар дезинфектанттармен бірге қолдануға болмайды, себебі олар болғанда гиалуронан преципитациялануы (шөгіндіге түсуі) мүмкін . Егер инъекцияға дейін ауқымды буынішілік жалқық орын алса, Гилан G-F 20 қолдануға болмайды. Кез келген инвазивтік емес буынішілік емшара жағдайындағы сияқты буынішілік инъекциядан кейін емделуші кез келген дене жүктемелерінен аулақ болуы ұсынылады, оларды бірнеше күннен кейін жаңғырту ұсынылады. Гилан G-F 20-ның жүкті әйелдер мен 18 жасқа дейінгі балаларға әсер етуі зерттелмеген. Гилан G-F 20 құрамында құс ақуызының азғана мөлшері бар, сондықтан бұл компонентке жоғары сезімталдық реакциясынан зардап шегетін емделушілерге Synvisc-One® (Гилан G-F 20) қабылдау ұсынылмайды. 

Шығарылу түрі және қаптамасы 6 мл Synvisc-One® (Гилан G-F 20) шыны еккішке салады. 1 шыны еккіш пішінді ұяшықты қаптамаға салынады. 1 пішінді ұяшықты қаптама қолданылуы жөніндегі нұсқаулықпен бірге картон қорапшада.

Сақтау шарттары + 2°C-ден +30°C-ге дейінгі температурада сақтаңыз. Мұздатып қатырудан сақтау керек.

Сақтау шарттары 3 жыл. Жарамдылық мерзімі өткеннен кейін пайдалануға болмайды. Балалардың қолы жетпейтін жерде сақтау керек.

Өндіруші Genzyme Biosurgery A division of Genzyme Corporation, 1125 Pleasant View Terrace Ridgefield, New Jersey 07657, АҚШ

Қазақстан Республикасының аумағында өнімнің (тауардың) сапасы жөніндегі шағымдарды қабылдайтын ұйымның мекенжайы «Санофи-авентис Казахстан» ЖШС 050013 Алматы қ., Фурманов к-сі, 187 Б телефон: 8-727-244-50-96 факс: 8-727-258-25-96 e-mail:[email protected]

http://www.sanofi.kz/l/kz/kk/layout.jsp?scat=8A740804-58B5-45C1-8853-C7993C8171DD толық ақпаратты осы жерден алуға болады.