Кешенді тестілеу түсетіндердің тілегі бойынща қазақ немесе орыс тілдерінде 4 пән бойынша жүргізіледі:
қазақ немесе орыс тілі бойынша (оқу тіліне байланысты);
Қазақстан тарихы;
математика;
таңдау пәні.
Егер ҰБТ талапкерге сұрақтарды шешуге 3,5 сағат берілсе, кешенді тестілеу 2,5 сағатта жүргізіледі. Әр пән бойынша тест тапсырмаларының саны – 25, ал жалпы сұрақтар саны 100. ҰБТ сұрақтар саны 125 сұрақты құрайтынын атап өтеміз. ЖОО түсу үшін талапкерлерге 100 мүмкін балдың 70-інен жоғары жинау қажет.
Кешенді тестілеуге қатысу үшін өтініштерді қабылдауды қабылдау комиссиясы 20 маусымнан 9 шілдеге дейін жүргізеді.
Кешенді тестілеу 17 - 23 шілде аралығында жүргізіледі.
Талапкер құжатты жеке тапсырады. Бөгде адамдардан құжаттар қабылданбайды.
Кешенді тестілеуге қатысу үшін түсуші жоғары оқу орнының қабылдау комиссиясына келесі құжаттар пакетін береді:
1) белгіленген үлгідегі бланктегі өтініш;
2) жалпы орта білімді аяқтау туралы аттестат немесе техникалық және кәсіби білімді аяқтау туралыдиплом (түпнұсқа);
3) тестілеуді жүргізу үшін төлем туралы түбіртек («Қазпочта» немесе ҚР «Халық банкі» АҚ арқылы);
4) 3x4 өлшемді 2 фотосурет;
5) 086-У формалы медициналық анықтама;
6) жеке басты куәландыратын құжаттың көшірмесі.
Кешенді тестілеу құны 2242 теңгені құрайды.
Тестілеуді қайта тапсыруға рұқсат етілмейді.
