Әуелі, «бисмилләһ» деп, оған «Аллаһ әкпарды» қосып айтып бауыздаған ең абзал. Бауыздайтын адамның ақыл-есі дұрыс болу керек. Жынды немесе арақ ішкен мас болуы жарамайды. Сондай-ақ бауыздаушы адам ақыл-есі әлі жетілмеген жас бала да болмауы тиіс.
Сойғанда өткір затты (пышақ т.б) қолданады. Бұл орайда, құстың басын қолмен жұлуға болмайды. "Сойғанда, алдымен пышақты өткірлеңдер, жануарды қинамаңдар» деген. Осыған қарағанда,өтпейтін пышақпен бауыздап, оның жанын қинаған дұрыс емес. Тағы бір ескеретін мәселе, пышақты сойылатын жануардың көзінше қайрауға болмайды. Өйткені, жануардың да сезімі бар. Жануардың жаны шықпай жатып, мойынын сындырып, жұлындауға болмайды. Ондай жағдайда, жануардың қаны толық шықпай өліп қалады да, ішінде арам қан қалып қояды.
