Түктен арыламын деп..
Әйел бетінде кездесетін түктер көрікті қыздың ажарын бұзуы әбден мүмкін. Беттегі түктерден арыламын деп, кейбір нәзік жандылар арнайы қырынатын затты пайдаланып жатады. Ал қырыну құралы әйелдерге емес ер адамдарға арнап шығарылған дүниелер. Сондықтан түктен арыламын деп, түріңізді құртып алмаңыз.
Қол, аяқтағы түктерді арнайы жабыстырғыш қағазбен тазалау — түктен арылудың қарапайым жолы. Бірақ диабет, варикозбен ауыратындар бұл жолды таңдамағаны абзал. Сондай-ақ қандай да бір кінәраты бар теріге бұл әдісті қолданбаған жөн. Ал жабыстырғышпен түкті тазалағаннан кейін ыстық душта жуынуға болмайды.
Аяқ-қолына түк жиі әрі қалың өсетіндер оны лазермен тазалағандары дұрыс. Ол түкті тазалап қана қоймай, оның жылдам өсуін тежейді. Егер осы әдісті пайдаланып жүрген болсаңыз, онда фотоэпиляцияны да жасатып көріңіз.
Ауыз маңайында ұсақ түктері бар қыз-келіншектерге еркектердің сақал ұстарасын мүлдем пайдалануға болмайды. Себебі, бұл әдістен соң түк қалыңдап, көбейіп кетеді. Мұндай жағдайда арнайы түк түсіретін крем пайдаланғаныңыз абзал.
Беттегі түкті дәрігерге көріну арқылы жоя аласыз.
