Мең мен қалды кетіру
Халық емшілері оны жоюдың неше түрлі әдісін, емін ұсынуы мүмкін. Оны қолданарда міндетті түрде дәрігермен ақылдасып, олардың кеңесін тыңдап, рұхсатын алу қажет. Әйтпесе, мең мен қалыңызды зақымдап, оны қатерлі ісікке айналдырып алуыңыз мүмкін. Дәрігерлердің айтуынша, қалды халықтық медицина жолымен алып тастауға мүлдем болмайды. Себебі, оның басты бөлігі тері астында қалып қояды да, олар қайтадан өсіп шығады. Яғни, еш себепсіз қалды алып тастаудың қажеті жоқ.
Қалды денеде қалдыруды, одан алып тастауды дәрігер ғана шешеді. Ол үшін әрине, қал мен меңге лабороториялық зерттеу жүргізілуге тиісті. Негізінен, меңді электр тогінің көмегімен және хирургиялық (ота жасау) жолмен жоюға болады. Алайда оның орнында тыртық қалып қояды. Ұлғайып өсіп, денеге жайылып кетуі мүмкін меңдер: қара-қоңыр, қара түстілері.
