http://egov.kz/wps/portal/Content?contentPath=/egovcontent/house/buy_sell_rent/article/privatization&lang=kk толық ақпаратты осы жерден оқи аласыз.....
Мемлекеттік тұрғын үйді жекешелендіру бойынша мәселелерді кім шешеді?
Мемлекеттiк тұрғын үй қорынан берілетін тұрғын үйлерді жекешелендiру қағидаларының 12-бабына сәйкес тұрғын үйді жекешелендіру туралы мәселелерді шешуді қабылдайды:
коммуналдық тұрғын үй қорынан – жергілікті атқарушы органдардың тұрғын үй комиссиялары;
мемлекеттік кәсіпорындардың тұрғын үй қорынан – мемлекеттік кәсіпорындардың тұрғын үй комиссиялары;
мемлекеттік мекемелердің тұрғын үй қорынан – мемлекеттік мекемелердің тұрғын үй комиссиялары.
Тұрғын үй комиссиясы – бұл әкімдіктер, мемлекеттік кәсіпорындар, мемлекеттік мекемелер жанынан құрылатын алқалық орган және тұрғын үй мәселелері бойынша шешімдерді шығаруға уәкілетті. Тұрғын үй комиссиясы тұрақты негізде әрекет етеді.
Тұрғын үй комиссиясы кем дегенде бес адамнан тұрады (комиссия мүшелерінің тақ саны міндетті) және оның құрамына кәсіпорын басшысы (орталық мемлекеттік органдарды қоспағанда), жауапты хатшы, заң, қаржы, кадр қызметтерінің басшылары (бар болса) және кәсіподақ ұйымдарының өкілдері кіреді.
Тұрғын үй комиссиясы тұрғын үйге үміткерлердің өтініштерін қарастырады, ұсынылған құжаттардың толықтығын, нақтылығын ұсынады, өтінішті қанағаттандыру немесе бас тарту туралы шешімді қабылдайды. Жалға алу жағдайында тұрғын үй үшін төлем мөлшерін анықтайды, қызметтік немесе мемлекеттік тұрғын үйді жекешелендіру жағдайында қызметтік немесе мемлекеттік тұрғын үйдің жекешелендіру жағдайында тұрғын үй комиссиясы шартты жасау туралы мәселелерді қарастырады (оның қалай болатынын біліңіз) және төлем шотын ұсынады. Сондай-ақ тұрғын үй комиссиясы ұсынылған ақпарат бойынша мемлекеттік органдарға сұраныстарды орындайды, есептеулерді жүргізеді және материалдардың сақталуына және мәліметтерге және басқаларына жауап береді.
Тұрғын үйді жекешелендіру үшін қандай құжаттар керек?
- Мемлекеттік тұрғын үй қорынан берілетін тұрғын үйлерді жекешелендіру қағидаларының 12-тармағына сәйкес тұрғын үй комиссиясының қарауына тұрғын үйді жекешелендіру тәртібінде меншікке сатып алу үшін мынадай құжаттарды ұсыну қажет:
- Тұрғын үйде тұратын жалға алушының отбасының барлық кәмелетке толған мүшелерінің қолы қойылған өтініш.
- Өтініш берушінің және оның отбасы мүшелерінің жеке куәліктері немесе паспорттарының көшірмелері.
- Некеге тұру (бұзу), отбасы мүшелерінің қайтыс болуы, балалардың туу туралы (қажеттілігі бойынша) куәліктердің көшірмелері.
- Жалға алу (жалдау) шартының немесе тұрғын үйге ордердің көшірмелері.
- Аумақтық әділет органының анықтамалары (өтініш берушіде және онымен тұрақты түрде тұратын отбасы мүшелерінде ҚР бойынша меншік құқығында тиісті тұрғын үйдің болуы немесе болмауы туралы).
- Адрестік бюродан анықтама немесе тиісті елді мекенде тұруды растайтын ауылдық округтің әкімінен анықтама;
- Өтініш берушінің отбасындағы басқа мүшелерді таныған жағдайда, өтініш берушінің отбасы мүшелері деп тану туралы сот шешімі ұсынылады.
- Халықтың әлеуметтік әлсіз топтарына жататын азаматтар қосымша өтініш берушінің халықтың әлеуметтік әлсіз топтарына тиістілігін растайтын құжатты қосымша ұсынады;
- Мемлекеттік қызметкерлер, бюджеттік ұйымдардың қызметкерлері, әскери қызметкерлер, арнайы мемлекеттік органдардың қызметкерлері және мемлекеттік сайланатын лауазымдағылар санатына жататын азаматтар қосымша жұмыс (қызмет) орнынан анықтама немесе қызметкердің еңбек қызметін растайтын құжаттың көшірмесін ұсынады. Ғарышкерлікке үміткерлер, ғарышкерлер ҚР Үкіметі тағайындайтын өз мәртебелерін растайтын құжатты ұсынады.
- Тұрғын үйді жалға алу шарты бойынша қарыздың жоқтығын растайтын құжат.
- Жекешелендіру жағдайында 7-тармаққа сәйкес – мемлекеттік тұрғын үй қорынан тұрғын үйді меншікке ақысыз алуға құқығы бар азаматтар санатына тиістілікті растайтын құжат .
Мемлекеттік тұрғын үй қорынан берілетін тұрғын үйлерді жекешелендіру қағидаларын бекіту қағидаларындағы осы тізімде қарастырылмаған қосымша құжаттарды сұратуға тыйым салынады.
Мемлекеттен алынған тұрғын үйді жекешелендіру процесі қалай өтеді?
Қажетті құжаттармен өтініш беру.
Тұрғын үй комиссиясының өтінішін қарастыру, құжаттарды және олардың түпнұсқалылығын және толықтығын тексеру, шешім шығару.
Қалдық құнын төлеу немесе егер ақысыз болса қажетті құжаттарды рәсімдеу (жылжымайтын мүлікке құқықтарды тіркеу).
