«Менің футболдан жаттықтырушы болғым келеді, оның қандай жолдары бар? Қазақстанда бапкерлерді дайындайтын қандай да бір мектептер бар ма және болған жағдайда оларға мемлекет тарапынан грант немесе өзге де жеңілдіктер бөлінген бе?» дейді Алтай Дүйсекеев.
Ал, Арыстанбек Мұхамедиұлының айтуынша, Қазақстанда футбол жаттықтырушысы болу үшін УЕФА (Еуропа футбол федерациясы) талаптарына сай болу керек. Мұндай санаттағы мамандарды елімізде тек Алматыда орналасқан Абай атындағы ҚазҰПУ-дың базасында дайындап шығарады дейді ол.
«Ең алдымен спорттың қай түрінен бапкер болғыңыз келсе де спорттық білім керек. Спорттық білім алғаннан кейін футбол жаттықтырушысы атану үшін Абай атындағы Қазақ Ұлттық педагогикалық университетте УЕФА талаптарына сай етіп даярлықтан өткізеді» делінген министрдің жеке блогында жазылған жауапта.
