Тезекбай Жамантайұлы (т.-ө. ж. б.) - Абай ауылының адамы. Тезекбайдың інісі Көжекбай ағасына қысым жасап, жерін тартып алу үшін әрекет жасайды. Тезекбай амалсыздан Абайға барып арызданған. Абай Көжекбайдың бұл озбырлығына тыйым салған. Ақын «Жамантайдың баласы Көжек деген...», «Бөтен елде бар болса...»деген өлеңдерінде сөзге тұрақсыз, қулық-сұмдыққа жақын, екі жүзді, зорлықшыл Көжекбайды өлтіре әжуа еткен. «Жақынын сатып, жөн көріп, Қалтаң-құлтаң амалдар, Туысқанға кекшілі...» деген жолдарға осы оқиғалар түрткі болуы әбден мүмкін.[1]
