Псориазды емдеу мүмкін бе?
Қазіргі таңда әлем халықтарының төрт пайызы псориаз ауруымен ауырып үлгерген. Тері дертінің бұл түрі жас талғамайды. Тіпті туыла салған нәрестеден бастап, таяққа сүйенген тоқсандағы қарттың да аталмыш аурумен ауруы мүмкін. Дегенмен псориаз әсіресе жиырмаға жете қоймағаен жастарды көп жағалайтын көрінеді. Бұған псориаз дертінің зардабын тартып жатқан науқастардың 70 пайызын осы жастағы жеткіншектердің құрайтындығы дәлел. Дегенмен, әлдебіреулер айтып жүргендей, бұл емі жоқ дерт емес, жазып алуға болатын ауру.
Бүгінгі медицина псориаз атап жүрген тері ауруының бұл түрі бұрындары халық арасына «теңбіл қотыр» атымен таныс болған. Медицина түгілі, дәрінің иісі мұрнымызға келмей тұрған тұстың өзінде-ақ сол заман ұрпақтары аталмыш ауруды емдеудің өзіндік жолын тапқан. Қағазды жағып, өртенгенде пайда болған майды денесіндегі ақ таңдақ болып түскен, тенбіл тенбіл түсініксіз жараға жағатын болған. Әйтсе де, емнің бұл түріне әлгі теңбіл бойбере қоймапты. Біршама уақыт көрінбей кеткенімен, қайта шығып алатын көрінеді. Ал бүгінде қарымы мықты медицинаның көмегімен псориаздың көзін түбегейлі құртуға мүмкіндік бар. Ол жетістіктен бұрын алдымен аурудың пайда болу себебіне кеңінен тоқтала кетсек…
Псориаздың алғашқы белгілері…
Псориаз – терінің созылмалы ауруы. Түбірі гректің «псора» деген сөзінен шыққан ауру атауы қышыма деген мағына береді екен. Аты айтып тұрғандай, псориазбен ауырған науқастың бас терісінде, тізесінде, білек буындарында, сондай-ақ арқасының төменгі тұстарында тері қатпарларының орнына қатты қышитын тығыз, талаураған қызыл түсті дақтар пайда болады. Кейде әлгі дақтар күлгін түсті болып келеді. Және дақтың шеті айқын көрініп, беті қабыршықтанып тұрады.
Псориаздың пайда болу себептері:
Бүгінгі таңда псориаз ауруының пайда болу себептерін ғалымдар нақты анықтай алмай отыр. Кейбір мамандар экологиямен байланыстырса, енді бірінің тұжырымы тұқым қуалайтын ауру дегенге саяды. Ал шығыс тибет медицинасының мамандары аурудың пайда болу себебін бүйрек қызметінің әлсіреуінен және жүйке жүйесі жұмысының бұзылуымен байланыстырады. Дегенмен, ғалымдар әртүрлі болжам жасайды. Мысалы, адамдардың 65 пайызға жуығы ауыратын I дәрежедегі псориазға ғалымдар тұқым қуалау арқылы жұқтырғандарды жатқызады. Бұл категориялы науқастардың жас мөлшері 18-25 жас аралығында екен. Ал, псориаз II түрімен 40 жастан асқандар ауыратын көрінеді. Және бұл науқастарда псориаз тұқым қуалаушылық, болмаса, иммундық жүйенің бұзылуы арқылы пайда болмаған. Және псориаз I-ге қарағанда, псориаз II көп жағдайда тырнақ пен буынды бүлдіреді. Ал, медициналық анықтамалықтарда псориаздың пайда болуының бірнеше түрін көрсетеді. Ол ғылыми еңбектерде тіпті жан күйзелісі де, жұқпалы аурулардың, мәселен, тұмау, баспа ауруының асқынуы да псориазға әкелетіндігі көрсетілген. Сондай-ақ генетикалық ауытқушылық, тері ауруының қабынуы, түрлі дәрежеде алынған жарақат салдары, тіпті адам денсаулығына зиянды әдеттер, ішімдік пен темекіге жақын болу да псориаздың пайда болуына ықпал етеді екен. Және эндокриндік жүйенің бұзылуы, гипертония мен ревматизмді емдеу кезінде артық мөлшерде дәрі-дәрмек пайдаланудың ақыры да псориаз ауруының пайда болу себебіне жатады екен.
Емдеу жолдары
Псориазбен бір рет ауырып, айығып шыққан науқасты аталмыш дерттен толық жазылды деуге негіз жоқ, – дейді ғалымдар. Өйткені, ауру жасырын формаға ауысып кетуі мүмкін екен. Сондықтан толық айыққан адамның өзі үнемі дерматологтың бақылауында болуы қажет. Сондай-ақ дәрігер науқаста псориаздың енді басталып келе жатқандығын анықтайтын болса, оған міндетті түрде емдік емес, аурудың алдын алуға ықпал ететін дәрмектерді ішуге кеңес береді.
Жалпы псориаз дертін әр ел өзінше емдеуге тырысады. Еврей халқы «Өлі теңіздің» тұзын пайдаланса, көрші ресейлік ақ халаттылар дәрілік өсімдіктерден дайындалған «Псориаз +», «Антипсориакум» тамшыларын ұсынуда. Ал біздің елде аталмыш ауруды емдеумен арнайы санаторийлер айналысатын көрінеді. Калай десек те, әлдебіреулер айтып жүргендей, псориаз емі жоқ ауру емес, жазып алуға болатын дерт.
Мәселен, тибет медицинасын жетік меңгеріп келген білікті дәрігерлер псориазды түбегейлі емдеудің өзіндік жолын ұсынуда. Шығыстық емдеу – алдымен аурудың пайда болу себебін анықтап алу арқылы жүргізіледі. Жалпы дәстүрлі қытай медицинасында кез келген тері ауруының пайда болуын ағзадағы қан құрамының бұзылуымен байланыстырып жатады.
Алайда, тибет медицинасы псориаздың пайда болу себебін керісінше, ағзада қандай да бір заттың жетіспеушілігіне жориды. Сол себепті тибеттік фармакологияда ағзадағы жетіспеген заттарды қалпына келтіру үшін арнайы препараттар шығарылған. Айта кететін жайт, «Жас-Ай» шығыс-тибет медициналық орталығында псориазды 90 пайыз емдеуге мүмкіндік бар. Оған осы орталықтан ем қабылдап, ауруынан құлан таза айыққан науқастардың сөздері дәлел. Жоғарыда айтып өткеніміздей, псориаздың пайда болу себебін шығыс медицинасы бүйрек қызметінің әлсіреуінен және жүйке жүйесі жұмысының бұзылуымен байланыстырады. Сондықтан осы олқылықтың орнын толтыру үшін, белгілі нүктелерге ине терапиясы жүргізіледі. Ине қойылатын нүктелер төменде көрсетілген:
1. Өкпе меридианы Р-7 Ле-цюе
2. Тоқ ішек меридианы:
1) GI-4 Хэ-гу
2) GI-11 Цюй-чи
3. Көкбауыр, ұйқы безі меридианы:
1) RP-6 Сань-инь -цзяо
2) RP-4 гунь-сунь
4. Асқазан меридианы E-36 Цзу-сань-ли
5. Өт қабы меридианы VB-39 Сюань-чжун
6. Бауыр меридианы
1) F-2 синь-цзянь
2) F-5 Ли-гоу
7. Қуық меридианы
1) V-13 Фэй-шу
2) V-40 Вэй-чжун
3) V-60 Кунь-лунь
4) V-20 Пи-шу
5) V-43 Гао-хуан
8. Артқы ортаңғы меридиан:
1) T-14 Да-чжуй
2) T-20 Бай-хуэй "Жас Ай" орталығында емдейді. Ол Алматы қаласында.
Дерек көз - http://jasai.kz/?page_id=911
