«Астана арландары» кәсіпқой бокс клубы Бүкіләлемдік бокс сериясындағы алтыншы кездесуін өткізеді. Апта бұрын Пуэрто-Рико боксшыларын қабылдап, ірі есеппен жеңіске жеткен «арландарға» енді Аргентина былғары қолғап шеберлері қарсылас атанбақ. Бұл жекпе-жек 21 ақпан күні Алматы қаласындағы Балуан шолақ атындағы Спорт сарайында сағат 17-30-да басталады.
Аргентина командасы «Астанеа арландары» үшін тансық емес. Бүкіләлемдік бокс сериясының 2012/13 жылғы маусымында «арландар» осы аргентиналық боксшылармен ширек финалда жұдырықтасып, екі ждекпе-жектің қорытындысы бойынша жеңіске жеткен. Дәлірек айтар болсақ, «арландар» алдымен Аргентинада күш сынасып, 2:3 есебімен жеңіліп қайтты. Алайда, қарымта кездесуде біздің жігіттер қонақтарды 5:0 есебімен ойсырата ұтып, жартылай финалдың жолдамасына ие болды.
Осыдан санаулы күндер бұрын қос команданың бапкерлрі ертеңгі жекпе-жекке шығатын боксшылардың тізімін жариялады, «Арланландардың» бапкері Марат Жакиев аргентиналықтарға қарсы үш бірдей жаңа боксшыны шығарды. Олар; 52 келі салмақта Азамат Исақұлов, 60 келіде Роман Щегринов және 69 келі салмақта жанкүйер қауым көптен күткен Данияр Елесіновте Бұкіләлемдік бокс сериясындағы өздерінің алғашқы кездесулеріне шығады.
«Astana Arlans» пен «Argentina Condoros» командалары арасындағы жекпе-жекке шығатын жүптар:
52 келі Азамат Исақұлов — Рикардо Ибарра
60 келі Роман Щегринов — Бриан Нуньес
69 келі Данияр Елеусінов — Луис Верон
81 келі Хрвое Сеп — Жозе Оливейра
+91 келі Филип Хргович — Карлос Ортега
Бүгін Алматы қаласында жекпе-жек алдындағы БАҚ өкілдері үшін қос команданың жаттықтырушылары және команда менеджерлері журналистер сұрағына жауап берді:
«Аламан» тілшісі: «»Астана арландарының» алдағы Қазақстанда өтетін кездесулері қай қалаларда өтеді ?»
Серік Сапиев: Алдағы аптада болатын кездесу Алматы қаласында болады. Бірақ, одан кейінгі кездесулер басқа қалаларда өтеді деп күтілуде. Басқа қалаларда өткізудің басты себебі «Астана арландарын» барша қазақ жанкүйерлеріне таныстыру. Дәлірек айтсам алдағы кездесулер; Тараз, Шымкент жыне Петропавл қалаларында өтуі мүмкін.
