Досқараев Жұмат Досқара ұлы - (1887- 06.07.1972) - қазақ совет тіл білімінің маманы, диалектолог, педагог.
Өмірдерек
1887 жылы Павлодар облысы Баянауыл ауданында өмірге келді.
1925 ж. Семей пед.техникумын бітірді
1937 ж.Самарқан Мемлекеттік университетін бітірді.
Павлодар обл. оқу бөлімінде, Қарақалпақ АССР-де пед.институтта, Қазақстан Мемлекеттік университетінде кызмет етті.
1945-54 жылдары Досқараев Қазақ ССР Ғылым Академиясының Тіл білімі иститутында қазақ тілінің тарихы мен диалектологиясы бөліміні меңгерушісі болды.
1954-65 жылдары аға ғылыми қызметкер болды.
1944 ж. "Оңтүстік диалектісінің ерекшеліктері" деген тақырыпта кандидаттық диссертация қорғады.
Үлесі
Досқараев Қазақстанның барлық аудандарына диалектологиялық экспедиция ұйымдастырып, бағалы материал жинады. Досқараев - қазақ тіл білімі диалектологиясы, семасиологиясы, кәсіби сөздер, тіл тарихы жайлы көптеген ғылыми еңбектерінің авторы. Досқараевтың бастауыш мектептің 2 сыныбына аралға "Ана тілі" оқулығы 1947 жылда 1958 жылға дейін 12 рет басылып шықты.
