Question

Сұрақ-жауап сайтына кірсем, бес жасар інімнің шүлдірлегеніндей сұрақтарды көзім шалады. Мысалы, мынадай түрдегі сұрақтар (ұқсас сұрақтар):

Шикалат тәтті ма?

Жолда кетіп бара жатқанда қызыл машина көрдің ба?

Ол менімен ойнамай қойды, не істим?

Қолданушылар, мына сайтты ақыл-есі дұрыс адамдардың сайты қылайық. Бес жасар баланың сұрағындай, "ананы-мынаны көрдің бе?", "қандай марожный ұнайды?", "қандай тамақ ұнайды?" деген мағынасы жоқ, бар болса да форумда талқылайтын мыжыма сұрақтарды доғарсақ екен. Және сұрақ қойғанда жазылуы дұрыс па қате ме соған да назар аударсаңыздар екен. "Мен сенен қатты шаптырамын. Ал ол ше?" деген әңгімені Интернетке кіріп, жаза алатын адамның қойғаны үят екен. 

Answer 1

Тамаша сұрақ және тамаша ой. Мен сізбен толық келісемін. Сұрақ нақты, өзіңіздің қажеттілігіңізді қанағаттандыратындай нақты болса, тиісінше жауап та нақты болар еді. Сұрақ қойғанда латын әріптерін айтып жатқан жоқпын, крилл әріптерін қолданғанда қазақша қаріптерді қолдансаңыздар. Құдайға шүкір  қ,ұ,ү,ғ,ң,і,ә әріптері көрінеді. Рахмет!

Answer 2

Мынадай сұрақтар сайттың форматына сай емес деп ойлаймын. Қалың жазудағылар тақырыптар, жайжазумен жазғандар менің сөздерім.

Сіз соңғы рет "Сүйем сені" деген сөзді қашан айттыңыз?    Ешқандай мағына, маңыздылық көріп тұрған жоқпын.

Adal dossiz ba? Amal dossiz ba?   Мұндай сұрақтарды форумда қойса жақсы. Қоймаса, осылай адасып жүреді.

әзілді жұмбақтар жасырайық  Сайтты еріккеннің ермегіне айналдыру деп санаймын. Сұраққа ұқсайтын ештеңесі жоқ. 

Сізге өз қызметіңіз ұнай ма?   Ұнамаса, ұнайтынын тауып бере ме екен?

Сізге жолдың арғы бетіне атаны немесе апаны өткізіп жіберген кез болды ма? 7 жастағы інім бұлай сұрамайды.

Неге олай??? Біліп тұрып суға симейік.

Осы сияқты жалғасқан сұрақ деген аты бар да заты жоқ қоқыстар толып кетті. 

Бұл сайт сұрақ-жауап сайты. Форуммен шатастырмаңыздар.

Comments

Сайтта осындай қызық сұрақтар үшін арнайы санат  ашылғаннан соң қойдық, онда тұрған не бар?! Ондай сұрақтар қойылмасын десеңіздер, ондай санаттарды алып тастаңыздар...

---

Қызық сұрақ пен қуған сұрақ бір емес. Қойсаңыз, қызық болатын сұрақ жақсы.

Answer 3

Ал мен MALIMETTER.ORG-тің жауабымен келіспеймін. Рас, кейбір сұрақтар нақты жауапты емес, пікірталасты тудыруға ыңғайлы. Бірақ егер осы сайт тек қана, мысалы: "Ноутбук қанша тұрады, қай жерден сатып аламын?" деген сияқты сұрақтардан тұрса, қызықсыз болар еді. Ал мына кісіге ұнамай тұрған сұрақтардың , меніңще, тәрбиелік маңызы зор. Жалпы, әр нәрседен адам тәлім-тәрбиелік астар алып отырғанын байқамауы мүмкін. Өйткені бәрібір жақсы нәрсе көңіліңде жатталып қалады. Қазақтілді оқырман енді-енді ғана араласып, өз пікірін мәдениетті түрде айтып жатқан сайтта қандай сұрақтар болса да артықтық етпейді. Тек шектен шықпау, бір-бірінің намысына тимеу сияқты жағдайлар орын алмаса дейміз. Ал MALIMETTER.ORG, сіз ең алдымен қалай мәдениетті сөйлеуді өзіңізден бастаңыз. НЕГЕ ОЛАЙ??? деген сұрақтың қасына не жазып қойғансыз? Дәл осы сіз жамандап отырған сұрақтар сіздің жаңағы мәдениетсіз сөзіңіздің қасында әлдеқайда көшелі. .. Қандай сұрақтың жақсы-жаман екенін содан кейін айтарсыз!

Comments

Сабыр сақтап қойыңыз Арманай... ;)))
Мұнда қазақ тілінде көп сөз, боқ сөз демекші шұбырта бергеннен гөрі анайылықпен болса да қысқа нұсқа түсіндіріледі. Ешқандай шамданудың қажеті жоқ. Қайта осындай анайылықтың арқасында түйсік созылады.  Егер шынына келсек, астарламай дәл тигізген дұрыс. Үйретпе, тек сұрақ қой, жауап ал!

---

Мәліметтердің қай сөзі ұят? Сен олай етпейсің бе? Қанша литр су кірсе, сонша литр су сыртқа шығуы керек (терлеу мен дәрет арқылы). Ұлы сөзде ұяттық жоқ деген қазақтың ұрпағы едік... Халықтың мақалын анайы десеңіз, айтар сөзім жоқ.