336-1 бап: “Жекелеген қоғамдық орындарда темекі тартуға салынған тыйымды бұзушылық”. Бұл бап үш бөлімнен тұрады.
1 бөлім: ҚР Заңнамасында бекітілген темекі тартуға тыйым салуға байланысты жекелеген қоғамдық орындарда темекі тартқан адам үшін 1 айлық есептік айыппұл салынады.
2 бөлім: Бірінші бөлімде қарастырылған іс-әрекет екінші рет қайталанса, ондай адамға 2-ден 5 айлық есептік көрсеткішке дейін айыппұл салынады. ҚР-дың “Халық денсаулығы және денсаулық сақтау жүйесі туралы” Заңына сәйкес (Оған 2009 жылдың 18 қыркүйегінде ҚР Президенті қол қойып, аталған Заң 2009 жылдың 9 қазаны күні заңды күшіне енген болатын): “Темекі тарту мен алькоголизмнің алдын алу және оларға шектеу қою” атты 159-баптың 5 тармағы бойынша темекі тартуға:
білім беру ұйымдарында, сондай-ақ, жасы кәмелетке толмағандар демалатын ұйымдарда;
қоғамдық тамақтану орындарында;
кинотеатрлар мен театрларда, цирктер мен концерттік, көрермендік және көрме залдарында, жаппай демалуға арналған спорттық ареналар мен басқа да үсті жабық құрылыстарда, соның ішінде түнгі клубтар мен дискотекаларда;
мұражайлар мен кітапханаларда және дәрісханаларда;
жергілікті және алыс қашықтыққа жүретін пойыздарда белгіленбеген жерлерде, әуе ұшақтары мен теңіз және өзен транспорттарында, сондай-ақ, қалалақ, қалааралық автобустар мен маршруттық таксилерде, қалалық электрлі транспорттарда;
әуежайлар мен темір жол, автомобиль және су жолдары вокзалдары ғимараттарында;
мемлекеттік органдар мен ұйымдарда;
жұмыс орны болып табылатын бөлмелерде;
үйлердің подъездерінде тыйым салынады. Заңнаманың 1 және 2 бөлімдеріне қатысты заңбұзушылық орын алған жағдайда, оған хаттама толтыру, істі қарау және әкімшілік жаза қолдану ішкі істер органдарының құзіретіне беріледі.
