Негізі өзім білмейтін,не болмаса толық мәнін түсіне алмай жүрген сауалдарымды қоямын.Барлық нәрсені білемін дейтін адам бола қоймас,менің де білмейтіндерім өте көп.Нені білмейтінімді де білмейтін кездерім болады.Сайттан,сайт қолданушылары өздеріңнен сондай кездері сұрақ арқылы көмек сұраймын,және оныма қанағаттанарлық жауап алыпта жүрмін.Сайтқа мүше болғалы бері 64 сұрақ қойып,оның 58-не жақсы жауап алыппын,бұл сөзіме дәлел бола алар деп ойлаймын.Негізгі сұрақтан ауытқысам да жауап беру туралы айта кетейін.Сайттағы мағаналы-ау деген сұрақтарға атсалысып отырамын.Негізгі мақсатым жауабымды дұрыс деп ұққан адамдар титтей де болса пайдасын көрсе өзімді бақытты сезінемін.Кейде қаттырақ жазатын кезім болады,оларды жауап түрінде емес пікір есебінде білдіруге тырысамын.Көп адамдар реніш білдіретін кездер жолығып жатады,оларды түсінемін.Мысалы осы уақытқа дейін 720 жауап жазыппын соның 85-іне жаксы деген белгі қойылыпты,бұл барлық жауаптың 12%-ға ғана жуығы,демек ұнамаған жауаптарым көбірек болғаны шығар.Жауаптың жақсы болуына қойылатын сұрақтың да сапасы көп әсер етеді.Сондықтан Мұңалдың айтқандарына 100% қасыла отырып сайт қолданушыларынан сапалы,өмірімізге маңызды сұрақтарды қойып отырсақ,сайт қоржынында жақсы сұрақтар мен жақсы жауаптар көбейе түсер еді дегім келеді.Ол деген келешек әлемдік желіге жақсы іргетас болар еді,достар.
