"08" коды азамат өзінің ұлтын өзгерткен кезде көрсетіледі. Паспортта және жеке куәлікте ұлты туралы жазба ата-аналарының ұлтына сәйкес жүргізіледі. Ата-аналары әр түрлі ұлттан болған жағдайда, Қазақстан Республикасының азаматы әкесінің немесе анасының ұлты бойынша еркін таңдау құқығы бар.
Ата-анасының ұлты белгісіз болған жағдайда, оны құжат иесі Қазақстан Республикасы Конституциясының 19-бабына сәйкес айқындайды.
Азаматтардың жеке куәліктерінде және паспорттарында ұлты туралы жазбаны өзгертуді олардың жазбаша өтініштері бойынша ішкі істер органдары туу туралы куәліктің және қолдаухаттың негізділігін растайтын өзге де құжаттар негізінде бір рет жүргізіледі.
Ұлтын өзгерту туралы өтініштің негізділігі расталған кезде халықты құжаттандыруға және тіркеуге уәкілетті қызметкер екі жұмыс күн мерзімінде ұлтын өзгерту бойынша қорытынды шығарады, оны Ішкі істер басқармасының (бөлімнің) бастығы немесе оның орынбасары бекітеді және қорытындыларды тіркеу журналында тіркеледі. Тексеру материалдары бөлек номенклатуралық істе қалыптастырылады.
Бұл ретте 9, 10, 11-жолдарда бұрынғы жеке куәліктің (немесе паспорттың шетелде тұратындар үшін) деректері жазылады, ал формулярдың артқы бетінде бос орында елтаңбалы мөрмен расталған ұлтты өзгерту туралы қорытынды нөмірі мен күні қойылады. 8-жолда азаматтың жаңа ұлты, ал 8-жолдың астына бұрынғы ұлты жазылады.
Біруақытта халықты құжаттандыруға және тіркеуге уәкілетті қызметкер азаматқа ұлты туралы жазбаның өзгертілгені туралы анықтама береді, ол тиісті азаматтық хал актілеріндегі жазбаларда ұлты туралы мәліметтерге өзгерістер енгізу үшін өзінің тұрақты тұрғылықты жері бойынша азаматтық хал актілері жазбалары (бұдан әрі - АХАЖ) органдарына ұсынылады.
Сондай-ақ "08" коды азамат жеке басын куәландыратын құжаттарда ұлтын көрсеткісі келмеуіне байланысты, оларды ауыстырғанда формулярды толтыру кезінде көрсетіледі. Бұл жағдайда 8-жол толтырылмайды, онда "999" коды қойылады.
Азаматтардың паспорттарында, жеке куәліктерінде ұлты туралы жазбаны өзгерту туралы даулар сот тәртібімен шешіледі.
Дерек көз http://normativ.kz/view/83222/
