Сіздің кез келген уақытта брондалған сапардан бас тартуға құқығыңыз бар. Әрине, бұл өкінішті. Алайда, тапсырыстың күшін жойюдың белгіленген ережелері бар екенін білуіңіз қажет – клиентпен жасасқан Шартта жазылған қызмет көрсету Ережелеріндегі «Турдан бас тарту» бөлімімен мұқият танысып шығуыңызды сұраймыз. Көптеген жағдайда компания тапсырыс берілген, бірақ пайдаланылмаған қызметтерді – виза, қонақүйге орналасу, әуе тасымалы және т.б. қызметтерді өздері өтеуі қажет. Сапардан бас тартқан жағдайда Сізден ұсталып қалатын шығындарды осымен түсіндіруге болады. Ұшаққа кешігуді де сапардың күші жойылған деп есептейтінін ескертіп кеткен жөн.
