Мәһір дейді ғо. Ол шариғатымызда бар. Ол жалпы «төлем», «өтем» деген мағыналарды білдіреді. Мәһр дегеніміз - жігіттің қалыңдыққа міндетті түрде беретін құнды сыйлығы. Ханафи мәзһабы бойынша, неке қию кезінде ер жігіт өзінің некелесіп отырған жарына мәһр беруге міндетті. Мәһрдің құны ең аз дегенде 10 дирһам күміс ақша мөлшерінде болуы тиіс. 10 дирһам дегеніміз шамамен 30-35 грамм күміске тең (1 грамм күміс – 132 теңге). Оны дәл некелесу кезінде беру міндетті емес. Бірақ, ол жігіттің мойнында қарыз болып қалады. Оны қашан болсын төлеуі тиіс.
