Қазақ іргелі ел боламын дегенше талай қиын-қыстау кезеңдерді басынан өткерді. Ата-бабаларымыз, батыр аға-әпкелеріміз білектің күшімен, найзаның ұшымен, қасық қандары қалғанша, елімізді, кең байтақ жерімізді қорғап қалды. Бүгінгі тәуелсіздікті бізге сыйға тартты. Біз үшін 16 желтоқсан жай күн емес . Ол тәуелсіздік күні , бостандық, азаттық күні. Орыстардың бұғауынан босаған күн. Қаншама есіл ерлер армандап , жете алмай, көре алмай кеткен күн. Осындай ұлы күнмен баршаңызды құттықтаймын. Қазақстан бүгінде төрткүл дүниені тамсандырған, қарқынды дамып келе жатқан ел. Бүгінде "еркіндіктің көк туы желбіреп, қыран құсы қалықтаған көк аспан астында" ата-баба жолын жалғаған елбасымыздың салиқалы саясатының арқасында бейбіт өмір кешудеміз. Әрбір отбасына молшылық, береке-бірлік, бақыт тілеймін. Еліміз аман, жұртымыз тыныш болсын. Қазақстан одан әрі дамып, озық мемлекеттер қатарына қосылсын. Қазағымның перзенті ретінде еліме әлі ешқандай еңбегім сіңбесе де, "болашақ - жастардың қолында"-, дегендей, келешекте алаштың айбының асқақтатар азаматша болуға тырысамын.
