Мен Ислам дiнi сайтына сұрақты жолдап көрдiм жауап қайтты.
Ассалаумағалейкум!
Уа алейкум ассалам!
Мен i ң сұрағым: Егер бiреу менi дуаласа, дуалағанын қалай бiлуге болады? Және оны қалай қайтаруға болады?
ЖАУАП: Дінімізде білдірілген амалдарды орындау керек. Жындардың адамға тигізетін ауруларын “сиқыр – дуалау” деп атайды. Сиқыр кәпір жындардың көмегімен жүзеге асады. Дінімізде болмаған сөздер және ритуалдар арқылы дем салу, сиқырлау, дуалау харам болып табылады.
Кезінде Пайғамбарымызға да сиқыр жасалып, қатты науқастанған еді. Хақ та’ала Фәлақ және Нас сүрелерін жіберіп, пайғамбарымыз бұларды оқып сиқырдан құтылған. Пайғамбарымыз былай деген:
«Мұсылман сиқыр жасамайды. Аллаһ сақтасын иманы кеткеннен кейін сиқыры әсер етеді.»
«Палшыға, сиқыршыға, көріпкелдерге барып олардың айтқандарына сенген адам Құран кәрімге сенбеген болады.»
Сиқырланған, дуаланған адамға және психикалық ауруларға қарсы құнды дін кітаптарында мына төмендегі шараларды қолдану білдірілген:
· Бір ыдыстағы суға Аятәл күрси , Ихлас және Муауизатәйн ( яғни Фәлақ, Нас) сүрелерін оқу керек. Дуаланған адам бұл судан үш жұтым ішіп, қалған сумен ғұсыл алуы керек!
· Үш рет Салауат айтып кейін жеті Фатиха , жеті Аятәл-Күрси , жеті Кәфирун , жеті Ихлас , жеті Фәлақ және жеті Нас сүрелерін оқып, өз үстіне немесе аурудың үстіне үрлеу керек. Бұларды қайтадан оқып, аурудың бөлмесіне, төсегіне, үйдің барлық жеріне, бақшасына үрлеп шығу керек!
· Фатиха, Аятәл-Күрси және төрт қул (яғни Кәфирун, Ихлас, Фәләқ және Нас сүрелерін) жеті реттен оқып, ауруға үрленсе, бүкіл апаттар, дерттер, сиқыр, көз тигенге қарсы жақсы келеді. Тұзға оқып, оны суға ерітіп ішуге де болады.
· Аяти хырз оқу және өзімен бірге (тұмар қылып) алып жүру керек.
