050701 - Биотехнология
Биотехнология - болашақтың ғылымы, Қазақстанның даму Стратегиясының осы онжылдықтағы қарқынды дамитын алғашқы ғылымының бірі болып табылады. Биотехнология іргелі биологиялық білімдерді адамның практикалық қызметінде қолдануға және табиғи қорларымыздың жойылып кетпеуін сақтауға негізделген ғылым мен өндірістің жаңа саласы болып табылады.
Биотехнологтар ғылыми-зерттеу лабораторияларында, медициналық-биологиялық, микробиологиялық және ауылшаруашылық өндірістерінде, фармацевти ка, азық-түлік өнеркәсібі, өңдеу өнеркәсібі мекемелерінде, ғарыштық және әскери-стратегиялық зерттеулермен байланысты мекемелерде, ҚР Ұлттық Биотехнология Орталығы институтында қызмет істей алады.
Университетке түскен ер адамдар әскери қызметін атқарудан кейінге қалтырылады.
Мамандық бойынша білім алатын студенттер төмендегілерді игеруге мүмкіндік беретін тәжірибенің барлық түрлерінен өтеді:
организмдердің дамуы және тіршілік әрекетінің құрылымдық, биохимиялық, молекулалық, генетикалық және физиологиялық негізі;
биотехнологияда микроорганизмдерді, өсімдіктерді, жануарларды пайдаланудың негіздері;
әр түрлі биологиялық объекттерді пайдаланумен түпкі өнімдердің өндірістік технология негізі;
биотехнологияда жануарларды, өсімдік жасушаларын және микроорганизмдерді пайдаланудың әдісі мен тәсілі;
тағам өнімдерінің өнеркәсіп өндірісінде, агроөнеркәсіптік кешенде, денсаулық сақтау және экологияда биологиялық жүйе және үрдістерді пайдаланудың әдісі мен тәсілі.
Биотехнология бакалавры қызметінің аумағы жан–жақты және арнаулы.
Олардың міндеттері: әр түрлі биотехнологиялық өнімдердің өндіріс сұрақтарын шешу және жаңа биотехнологиялық үрдістерді дамыту; энергияның альтернативтік көздерін алу; тағам өнімдерінің биотехнологиясы; биологиялық белсенді заттар және антибиотиктердің синтезі; қоршаған орта жағдайының биологиялық индикаторларын құру және іздеу; микроорганизмдер, өсімдіктер және жануарлардың селекциялары;білім аумағы.
Бакалавр тек биотехнологиялық өндірістің технологы ғана емес, сонымен қатар өзінде селекционердің, биологтың, экологтың білімдерін үйлестіреді.
Берілген бағыт бойынша білімі бар орта кәсіптік оқу орындарының (колледж) түлектері оқу мерзімі: күндізгі және сырттай - 3 жылдан кем емес, жоғары оқу орындарының түлектері оқу мерзімі - 2 жылдан кем емес.
Арнайы пәндер циклінде келесі пәндер оқытылады: Микроағзалардың биотехнологиясы, Өсімдіктер биотехнологиясы, Жануарлар биотехнологиясы, Тағамдық биотехноогия, Медициналық және ветеринарлық биотехнология, Экологиялық биотехнология, Биохимия, Жалпы және молекулярлы генетика, Микробиология және вирусология, Өсімдіктер физиологиясы, Адам және жануарлар физиологиясы, Жасушалық биотехнологиясы, Биотехнологиялық өндіріс негізхдері және т.б.
Берілген мамандықты тәмамдаған түлектер үшін жұмысқа орналасу үшін кең мүмкіндіктер ашылады:
ғылыми-зерттеушілік институттар мен биотехнологиялық, биологиялық, медициналық, ауылшаруашылық бағыттағы ЖОО-дар;
өндірістік кәсіпорындар мен тағамдық және өңдейтін, микробиологиялық , фармацевтикалық өнеркәсіптің зертханалары;
ауылшаруашылық кәсіпорындар;
өсімдіктерді қорғау бекеттері;
селекционды бекеттер;
балық шаруашылығы мен аң шаруашылығы зауыттары;
ЖОО-дар, орта мектептер, гимназиялар, колледждер;
экологиялық қызметтер мен ұйымдар;
ауылшаруашылық өнімдердің сапасы мен қауіпсіздігін бақылау бойынша зертханалар.
