Адамдар жарақат алған кезде, ауыр заттарды көтергенде буынаралық шеміршек жарылып кетеді де, ондағы жүйке тамырлары мен қан тамырлары қысылып қалады. Нәтижесінде, зат алмасудың бұзылуынан буын аурулары пайда болады.
Буын ауруларын емдемес бұрын неден пайда болғанын анықтап алған дұрыс. Ол үшін қан сараптамалары, рентген тексерулері жүргізіледі. Нәтижесінде, сараптама қорытындысына сәйкес ем тағайындалады.
Буын ауруларының түрлері қандай?
Сорбуын (артрит). Бұл буын қабынуынан сүйекке зақым келтіреді. Нәтижесінде, буындардың қалыпты жұмысы бұзылып, қисаяды, сіңірлер мен бұлшықетті зақымдайды.
Шорбуын (артроз). Ағзаға қоректік заттың сіңбеуінен шорбуын пайда болады. Бұл 55 жастан асқан жандарда жиі кездеседі. Ауырған адамның түнге қарай буындары күтірлеп, ауруы күшейеді.
Коксартроз. Буын ауруының бұл түрі жамбас буындарының зақымдалуы, буын шеміршектерінің бұзылуынан пайда болады. Нәтижесінде, адам жүрген кезде ауру ұлғайып, буынның қозғалуы қиындайды.
Остеоартроз. Сүйек құрылысының зақымдалуынан болатын остеоартроз сүйектің тығыздығын кемітеді. Ал тығыздығы кеміген сүйек сынғыш болады.
Подагра. Бұл адам бойындағы айналыс заңының бұзылуынан туындайды. Подагра кезінде науқастың буындары ісініп, қатты ауырады.
Толық мәліметті мына сілтемеден оқи аласыз.
