Құрметті достар сұрақ-жауап сайтының қолданушылары сіздерді Құрбан-айт мерекесімен құттықтаймын!
Шын ниетпен берсе АЛЛАҺ жолына,
Сол жанға АЛЛА береді екен соңында.
Құрбан айтқа шалып жатқан құрбандық,
Қабыл болсын мейірімді АЛЛА жолында.
Құрбандықпен қаланады несібең,
Несібеңнің өзгелерден несі кем.
Қабыл болсын ниетің мен тілегің,
Жақсы ісің кетпес АЛЛАҺ есінен.
Құрбан беру- жию АЛЛА мейірін,
Өзің үшін азық болар жиылым.
Жоқ-жітікке сауап болар іс істеп,
Тәубе етер Жаратқанға тиылым.
АЛЛА бізді адам етіп жаратты,
Ұрпақ беріп кең дүниеге таратты.
Орындайық Жаратқанның жарлығын,
Құрбан беріп, алып 1000 сан сауапты.
Жағдайың болса құрбан бер,
Өмірің өлшеп тұрған көл.
Көпірден алып өтеді,
Құрбанға арнап бергендер.
Құрбан айт- сауап істің бастауы,
Мұсылманның иман жияр астауы.
Жоқ-жітіктен сауап алып алғысты,
Өзгелерге өнеге-үлгі тастауы.
Құрбан шалып жолына АЛЛА мұсылман,
Жоқ жандарға көмек қолын ұсынған.
Сауап алып, екі өмірге нұр алып,
Иман бекіп, тазарынып ғұсылдан.
Береке-бірлік мол болсын,
Жүрсең де қайда жол болсын.
Қабыл болып құрбандық,
Денсаулығың зор болсын!
АЛЛАҺ берген несібені Хақ жолында шашуға,
Асып-таспай тәубемен дем басуға
Құрбан айттай мейрам соның дәлелі,
Дәулеті артсын, жетсін сауап асуға.
Кеңшіліктен еш кемшілік көрмейсің,
Құрбандықпен жүректерді емдейсің.
Сауап жиып ана өмірде дем берер,
Жамандықты жерге көміп жерлейсің.
Артсын дәулет, несібең,
Балаң өссін есі кең.
Құрбандық берген пендені,
АЛЛА айтқан кешірем.
Айт намазға асық, момын мұсылман,
Тән тазарсын шын ниетті ғұсылдан.
Ниетің мен амалдарың тең келіп,
Періште ерсін қорғайтұғын тұсыңнан.
Құрбан шалып АЛЛА нұрын тілейік,
Не болса да шүкірлікпен күлейік.
Ең жақсыны жолына АЛЛА сарп етіп,
Күнәлардың шешіп тонын, түлейік.
Біздер солай бақытты өмір сүрейік!
