Ыдыс-аяқ жуу машинасы — кәсіпорындарда, тұрмыста пайдаланылатын машиналарының негізгі операцияларына ыдыстарды тамақ қалдықтарынан тазалау, жуу ерітіндісімен жуу, бір немесе екі рет шаю және ыдыстарды кептіру. Машинада ыдыстар тамақ қалдықтарынан мұздай немесе ыстық судың ағынымен тазаланады. Ыдыстарды жуу жылы су ерітіндісімен жүргізіледі. Ыдыстарды алғашқы шаю температурасы 58°С-тан жоғары сумен, ал екінші рет температурасы 85°С-тан жоғары сумен шайылады. Машиналар әмбебап немесе ыдыстың жеке түрін жуатын, толассыз немесе кезеңді, гидравликалық немесе механикалық болып бөлінеді. Ыдыс-аяқ жуу машинасы ыдыстарды тиеу, түсіру, жуу секцияларынан тұрады. Жуу секциясы рамадан, оған бекітілген ваннадан, насостардан және ыстық, суық су құбырларынан тұрады.
