Жерді сату бар, тым құрығанда жер сату түсінігін Қазақстан Республикасының Жер кодексінен әлі ешкім алып тастаған жоқ. Аталған Кодекс бойынша жер учаскелерiн мемлекеттiк меншiктен жеке меншiкке ақылы негізде сату, өзінің жер учаскелерін беру жөніндегі құзыреті шегінде облыстың, ауданның, облыстық маңызы бар қаланың жергілікті атқарушы органының, аудандық маңызы бар қала, кент, ауыл, ауылдық округ әкімінің шешiмi бойынша ақысы бiрден төленiп не төлеу мерзімі ұзартылып жүзеге асырылады. Айтқандай жерді сатуды жекелеген жергілікті атқарушы биліктің қала немесе өзге де жоспарларға байланысты шектеу қойып уақытша сатумен айналыспауы да кәдік.
