Бокс жанкүйерлері ұзақ күткен тізім де белгілі. Бокстан ҚР ұлттық құрамасының бас бапкері Мырзағали Айтжанов Инчхонға баратын спортшылардың есімін атады. ҚР бокс федерациясының баспасөз қызметі осылай хабарлады.
Құрамаға нөмірі бірінші мықтылар ілініпті. Олимпиада ойындарының жүлдегерлері, әлем чемпионатының жеңімпаздары мен жүлдегерлері ел намысын қорғайды. Құрамадағы ең егде боксшы Біржан Жақыпов Гуанжоуда өткен Азия ойындарының күміс жүлдегері. Иван Дычконың да сондай табысы бар. Ал Данияр Елеусінов екінші рет Азия ойындарының алтынын алмақ ниетте.
Жолдарың болсын арда ұлдар!
49 келі: Біржан Жақыпов
52 келі: Ильяс Сүлейменов
56 келі: Қайрат Ералиев
60 келі: Берік Әбдірахманов
64 келі: Айдар Әмірзақов
69 келі: Данияр Елеусінов
75 келі: Жәнібек Әлімханұлы
81 келі: Әділбек Ниязымбетов
91 келі: Антон Пинчук
+ 91 келі: Иван Дычко
