Төреғали Төреәлі-Жүрші менімен.
Көргенде сені оралды ойлар санама жүздеген,
Сары уайымға салына бердім сары ала күзде мен.
Сенімге лайық сезіміменен баурап алатын
Келінге лайық ару екенсің мамама іздеген.
Арманда қалай қалып кетемін,
Жете алмай саған, жарық мекенім,
Қайтсем де сені алып кетемін тылсым елінен.
Бағыма балап, еркелетейін,
Жаныма жалау, желкен етейін,
Бар өміріңді көркем етейін, жүрші менімен!
Баураған жанды өзіңмен өткен есімде алғаш күн,
Лаулаған мәңгі сезімнің отын өшіре алмаспын.
Ғашықтығымды айта алмай саған арманда кетсем
Жасықтығымды жазғырып өтіп, кешіре алмаспын.
