Тест сұрақтарды жаттамас бұрын, алдымен 5-9 сыныпқа дейінгі оқулықтарды оқу керек. Неге? Өйткені, сен тест сұрақтарын жаттаған кезде, мысалға, "Қазақ АКСР-і қай жылы құрылды? КОКП қай жылы құрылды?" деген сияқты сұрақтар кездеседі. Сен жауапты жаттап алғаныңмен оның мағынасын түсінбейсің. Ал тарихта даталар да, басқасы да өте көп. Оларды қашанғы құрғақ жаттай бересің. Кітап оқығаннан даталар есіңде қалмас, алайда не жаттап отырғаныңды өзің жақсы түсінесің, соның арқасында есіңде ұзақ сақталады. Қандай тест кітаптарын жаттаймын десең "Тараз" деген шпор бар ғой, жыл сайын соның кітапшасы да шығады, соны жаттаған дұрыс. Сосын пробный тапсырған кезде сұрақтарды байқап жүр. Егер кітапшада жоқ жаңа сұрақтар қосылса, оны 1 дәптерге жазып жүр, кітапты ақтарып, мұғалімдерден сұрастырып жауабын тап.
