Футболды жақсы көресіз-ау.Әлде жәй қызығушылық па?-)) Ия бізде жақсылап сүзіп шықса таланттар жетіп артылады. Әр нәрсенің бірағы болады ғой. Футбол басқа спорттай емес, анау-мынау еркелікті көтермейтін ойын. Сол үшін де болар N1 спорт. Бізге дамыту үшін өте көп ақша керек. Ал ақша инфрақұрылымға керек. Бізде ол өте нашар. Еуропаның деңгейіне жету үшін өте көп жыл керек. Инфрақұрылым дегеніміз- футбол жүйесін барлық жағынан(футбол мектебі, алаңдар, стадиондар, мамандар т.б) қамтамасыз ететін құрылым. Ол біздегі балалардың талантын ашып, шеберлігін шыңдай түседі. Бірақ ең бірінші бізге ұлттық намыс, елге деген сүйіспеншілік керек. Қазір ӘЧ 2014 қарап жүрген болсаңыз, Коста-Рика елін қараңыз қандай футбол көрсетіп жатыр. Орталық Америкадағы кішкентай мемлекет. Солар елі үшін жанын беріп ойнап жатыр, біздегідей ақша үшін емес. Қарап отырып қызығамын. Намыстан бөлек шеберлік, тәжірибе де керек әрине. Тек намыспен ойнап шеберлік жетіспесе тағы ақсайды. Сол екеуін ұштастырып, үйлестірілген футбол қалыптастыру керек бізге. Бірақ оған көп уақыт керек. Және біздегі футбол жүйесі әбден былыққа батқан. Футболымызға жемқорлық саясат, аралып кеткен. Ананы бүйту керек, басшыны ауыстыру керек деп шыға бастасаң қалай саясатқа барып қалғанымызды білмей қаламыз. Саясаттан аулақ деп қашып жүрсең, қозғап жүрген тақырып, мәселелер бәрібір соған алып келеді қай саланы алсаңыз да. Біздегі қазіргі басшылар футболға қатысы жоқ, жаны ашымайтындар бір сөзбен айтқанда.
