Ғалымдардың, танымал адамдардың қандай әзiлдерiн бiлесiз? Мысалы: Есек үшiн кiшкентай құлақ Құлақтарының үлкендiгiмен танымал болған Галилеоға бiреу: — Мырзам, құлақтарыңыз адамға сәл үлкендiк етпей ме?— десе, Галилео: — Менiң құлақтарым адамға үлкен болуы мүмкiн, бiрақ сенiң құлақтарың есекке тым кiшкентай емес пе?— дептi. Үйге кiргiзе алмай жүрмiз... Бiр француз Парижде жұмыс iстеп жүрген бiр түрiктен: — Осы сендердiң әйелдерiңдi үйден шығармайтындарың рас па?— деп сұрапты. — Бұрын солай едi. Қазiр сыртқа шығардық, бiрақ ендi iшке кiргiзе алмай жүрмiз,— дептi. Жоқ нәрсе үшiн соғысады... Напалеон соғыста Испанияны жеңедi. Жеңiлген Испанияның патшасы: — Сендер тек ақша және мал-мүлiк үшiн соғысасыңдар, ал бiз намысымыз, абыройымыз үшiн соғысамыз,— дедi. — Иә, дұрыс, адамдар өзiнде несi кем болса, сол үшiн соғысады,— деп жауап берiптi. Әдiлеттi түрде өлу Сократ өлiм жазасына кесiлгенде әйелi: "Әдiлетсiз түрде өлiм жазасына кесiлiп жатырсың!"— деп жылай бастайды. Сократ сонда: "Не, сонда әдiлеттi түрде өлтiрiлуiм керек пе едi?"— дептi.
