Қалай журналист болуға болады?

Question

Сәлеметсіздер ме, мен қазір сегізінші сыныпта оқимын, журналист болғым келеді. Ағылшын және орыс тілін жақсы білемін, бірақ өзімнің даусым өзіме ұнамайды, жағымсыз. Журналистика мамандығын таңдағаным жөн бе, әлде журналист болу үшін вокалдық талантың болу қажет пе?  Журналист болу үшін тағы не қажет? Бесінші пәнге қандай пәнді таңдаймын, ағылшын тілін таңдасам бола ма?

Қазірден оған дайындық ретінде немен айналыссам болады? Сіздер қандай жас журналистерге арналған сайттарды білесіздер?

Answer 1

Журналист болу үшін ең маңызды нәрсе дауыс әдемілігі емес, ең маңызды нәрсе сауатты және қатесіз жазу. Сұрағыңның бастапқы бөлігі қателерге толы екен, сауатты жазуды үйрен. Журналист болу үшін басты пән ретінде "Қазақ әдебиеті" пәнін жақсы білуің керек, ағылшын тілін білуіңніңде пайдасы тиіп қалады. Қазірден журналистікке дайындалғың келсе, массагет http://massaget.kz және айтабер http://aitaber.kz сайттарына тіркеліп жеке блогтарыңды, ойларыңды жазуыңа болады. Твиттерге де http://twitter.com жиі-жиі блогтар жазып тұруыңа болады, вк-да да жас журналистер үшін әр түрлі топтарда конкурстар өтіп тұрады, іздесең табасың. Қазіргі кезде жазба журналистікте жақсы дамыған, журнал-газеттерге, сайттарға журналист ретінде жұмысқа орналасуыңа да болады, вокалдық талантың қатты қажет емес... Сәттілік тілеймін, болашақта жақсы журналист болуыңа тілектеспін.

Comments

жауабыңызға көп-көп рақмет
мен негізінде сауатты жазамын, жай тез жазғандықтан қателіктер кетті.

Алтынай))) 26.04.2014 пікір

Answer 2

Журналист болуда дауыс үлкен рөл атқармайды, сондада сөйлеген кезде анық әрі нақты сөйлей білу керек. Газеттерге өзіңнің жақсы деген мақалаларыңды жазып жібер, ұнап жатса шығарады, сайттарға блог жаз, және журналист кітап жиі оқу арқылы дамиды.