Ғылыми ізденіс: бала көтеру үшін тиімді диета
Бала көтере алмай жүрген әйел адамдар өздерінің тамақтану тәртібін қадағалауы керек. Гарвард университетінің ғалымдары әйелдің құрсақ көтеруі үшін пайдалы тағамдардың тізімін жасаған. Тәжірибе нәтижесінде, жүкті болуда пайдасы тиетін тағамдар анықталды. Сол кеңестерді өздеріңізге ұсынамыз.
“Кеңестер” тамақтану режиміне өзгерістер енгізуден басталады...
Тауық етін Тофу ірімшігіне алмастырыңыз. Әйгілі диетолог-маман Чаварроның айтуына қарағанда, овуляция алдында ұрықтың пайда болуына ағза құрамындағы темірдің берер пайдасы мол. Көп астың құрамында кездеспейтін, ағзаға қажетті темір Тофу деп аталатын ірімшіктің құрамында көп. Егер тәбетіңізге қарай, артық асты қабылдай алмайтын болсаңыз, күнделікті тауық етін Тофу ірімшігімен алмастырыңыз.Тофу — ең пайдалы сұйық ірімшік.
Тәтті тағамдар да жүкті болуға кедергі болуы мүмкін. Себебі, тәтті ұн тағамдарынан денеге артық салмақ қосылып, етеккірдің келу мерзімі өзгереді. Соның әсерінен гормондар жүйесінде бұзылып, құрсақ көтере алмаудың тағы бір себебі шығады. Сол үшін тәтті жегіңіз келсе, сүзбе не болмаса, мюслиді пайдаланғаныңыз абзал.
Түймебұршақты жасымықпен алмастырыңыз. Егер түймебұршақты (фасоль) да пайдалануға ерекше құмар болсаңыз, бала көтеруде қиындықтар тууы ықтимал. Ал жасымық (чечевица) ағзаға одан әлдеқайда пайдалы. Сондықтан, құрсақ көтеруді жоспарлап жүрсеңіз, аталған азықты тамақ мәзіріңізге қосыңыз. Құрамында фоли қышқылы бар дәрумендер кешенінен овуляция проблемасын 40-60%-ға азайтуға болады. Фоли қышқылынан дайындалған дәрумендерді қабылдап отыру тиімді.
Майсыз йогуртты балмұздақпен алмастырыңыз. Қаймағы алынбаған сүттер құрамында эстроген мен прогестерон мөлшері көп болады. Бұл қоректік заттардың көп болуынан ұрықтануға мүмкіндік те көбейе түстетіні дәлелденген. Егер сәби сүйгіңіз келсе, қаймағы алынбаған сүтті тағамдарды күнделікті пайдаланып отырыңыз. Ол балмұздақтың құрамында болады. Жыл мезгіліне қарамастан, балмұздақ жеу қажет. Бұл тәттіден де ағза өзіне пайдалысын алады. Ал бала көтергесін, балмұздақты доғаруға тура келеді. Біріншіден - майлы, екіншіден - салқын. Бала күтіп жүрген әйел үшін салқын тамақ жеу қауіпті. Сонымен қатар, тым майлы өнімдер де жүкті әйелдің денсаулығына зиянын тигізуі мүмкін.
Белгісіз
пікір
