Сайтты өмір сияқты дегенге қосыламын, әрі сайт қолданушыларының да өз кезегімен ауысып тұруы заңдылық. Қазақта "Алуан-алуан жүйрік бар, әрқайсысы шамасына қарай шабады"-деген жақсы сөз бар. Сол сияқты сайтта да алуан-алуан қолданушылар бар, әркім шамасына қарай сұрақ беріп, оған екінші біреулер шамасына қарай жауап жазады. Бұрынғы қолданушылар ешқайда кетіп қалған жоқ кетеді деп те ойламаймын, себебі сайт жаңадан ашылған кездегі қолданушылардың көбі бір үйдің адамындай бір-бірімен дос-жар болып кеткен және өз ара хабарпласып араласып тұрады. Сайтқа да күнде болмаса да жиі кіріп тұрады, көбінің айтатыны сайтта жауап жазарлықтай сұрақтар жоқтың қасы, сұрақ сапасы өте төмен. Ол кездегі адамдар арасында бір әсем силастық қалыптасқан, тазалық бар еді, қазір контингент өзгерген. Онлайн чатта жүретін төрт-бес адам келісіп бірін бірі өтірік плүстейді, түкке тұрмайтын сұрақ, жауаптарын ЖЖ деп белгілейді, өтірік аккаунтар ашады, кейде жақсы, дұрыс жауаптарды мүністеп тастайды, бір-біріне ұнамағандарды банға тығады және ең сорақысы онымды ешкім сезбейді деп ойлайды. Олай емес сырт көзге бәрі байқалады, сондықтан келешек азаматтары жастардың ойлануы, өсуі,мәдениеттке тартылуы керек. Мысалы мен осы сайттың үлкенімін (әзірге әрине) , жауап жазайын деп сайтты ашсам алдымнан шығатын сұрақтардың деңгейі " маған бір қыз ұнайды, соны қалай сындырсам болады?"-деген сияқты сұрақтардың төңірегі, мен не деймін "Басынан бір ұрдағы, ішінен бір теп, сонда сынады"-дейін ба? Амал жоқ жауабын білмейді екенмін деп бұрылып кетемін. Жастар өмірлік мәні бар, келешегіне жарық түсірер шын мәніндегі қиналатын сұрақтарын қойса, өмірлік тәжірбиеден сарапталған жауаптар жазуға өз басым еш қиналмаймын. Қайсыңа болса да титтей ғана көмегіміз тиіп жатса еңбегіміздің жанғаны деп білемін. СЖ сайтының алға қойған басты міндетінің өзі осы, сондықтан да сұрақ болсын, жауап болсын не болса сол қойыртпақтарды жазбай, пайдалы нәрселерге ұмтылайық. Сұрақ жауабы біреулерге ермек, мысқыл боғанымен, енді екінші біреулерге өмірлік мәнге ие, қымбат болуы әбден мүмкін екенін естен шығармаңдар, жауап жазғанда осы жағын ойланыңдар.
