Болатбек шынымен риза болып отырмын. Негізі өте жақсы бастама. Сеңді қозғалттың, ендігі кездесуде көп адам жиналады деген үміттемін. Сосын басқа да студенттер сайтты қолданады дегеніңді естіп қуанып қалдым. Себебі басқа да таныстарым айтып жатады, мен де осылай естідім дегенде төбем көкке бір елі жетпей қалып мәз боламын. Қуаныштан қуанамын, еңбектенсең нәтижесі болады екен ғой деп.
Ал сайттың сырт келбетіне келетін болсақ ниеттеріңе үлкен рахмет. Маған көрсеткен қолдауларың ол сайттағы жарнамаларды күніне кіргенде бір реттен әр қайсысың бөлек бөлек шертіп шықсаңдар сол мен үшін үлкен табыс болмақ. Қазіргі таңда менде қаражат көзі тапшы деп айта алмаймын, бірақ ақшам тасып бара жатқан жоқ.
Жоспар бойынша келесі жылы яғни алдағы 1 квартал деп айтады 3 айдың ішінде жаңа дизайн істетпекшімін. Бұл жолы мен өзім жыртықты жамап істемейтін боламын. Яғни ақыға істетпекшімін, тиісінше өте сапалы жақсы дизайн болып шығады. Әзір жыл соңы мен де демалайын, физикалық тұрғыдан болмаса да психологиялық тұрғыдан шаршаймын. Өзіме кішкене уақыт демалыс жариялап мен де әке шешемнің қасында жаңа жылды қарсы алып, жаңа жылда жаңа белестерді бағындыруға білек сыбанып кірісетін боламын. Ойда көптеген істер жасау бар. Оның ішінде міндетті түрді бірінші орындай ыңғайлы сайт дизайнын жасату. Бұл жолы енді тек сапалы болады. :)
Сондықтан ниеттеріңе үлкен рахмет. Қаражат жинаудың қажеті жоқ. Маған көмектеріңіз сол сайтқа кіргенде жарнаманы бір рет шертіп қойып отырсаңыздар және достарыңызға, таныстарыңыз, т.б. осындай сайт бар екенін айта жүрсеңіздер. Мен үшін осы үлкен көмек. Шыны керек осы қазірдің өзінде сайттан жарнама арқылы тиын-тебен түсіп жатыр. Шын білек сыбанып жұмыс істеуге ниет бар. Оның үстіне жолдас баламмен бірге QazaqMedia http://qazaqmedia.kz атты жарнама агенттігін ашқанбыз. Қазақ тілді сайттарды қолдап жарнамамен қамтамасыз ету мақсатында. Биыл өз жемісін ақырындап беруде.
Жаңа жылдың еншісіне қалдырдым көптеген істерді. Менде қазір сәл демалыс, сондықтан сайттың өзінде көптеген жағдайларға араласпай жүргендігім сондықтан. Тек сұрақтарды өңдеумен шектеліп жүрмін.
