Сыныптағы қызық оқиғалар туралы шығарманы қандай қылып жазуға болады?

Question

Сыныптағы қызықты оқиғалар тақырыбына есімдіктерді қатыстырып (ол, олар, сол, біз т.б) әңгіме құрау

Answer 1

Бұл оқиғалардың барлығы бір адамда демесек те, басымыздан ең болмаса біреуі өткені анық. Оларды оқып, естеріңізге түсіріп көріңіздер.

1. Өз-өзімізбен сөйлесіп тұрған кезде ұсталу

Елестетіп көріңізші, бір нәрсені бүлдіріп алып, артынша өзіңізге сөгіс жариялап жатқан кезде бөлмеге біреу кіріп келді. Ақымақ болып көрінуіңіз мүмкін. Адамдар өз-өзімен екі күнде бір, кейбіреулері, тіпті, сағат сайын сөйлеседі екен. Алайда бұл жақсы белгі. Өз-өзімен сөйлесетін студенттер оқуда жақсы баға алады екен. Зерттеулер нәтижесі, адам өзімен сөйлесу арқылы кез келген жағдайға дайын болатындығын көрсетіп отыр. Бұл көбіне мектеп жасына дейінгі балаларда көрініс табады.

2. Досыңызға бір оқиғаны екінші рет айту

Тыңдаушыңыз бір естіген оқиғасын қайта тыңдаған жағдайда іштей ашулануы мүмкін. Кейбіреуі «Айттың!» деп сөзді бөліп жібереді. (Оны бұдан көп уақыт бұрын айтқандығыңыз маңызды емес). Әңгімелесушіңізді бұл әрекетіңізбен мезі етіп жіберуіңіз мүмкін. Әрі ұқыпсыз екендігіңізді танытасыз. Зерттеулер, бұл оқиғаны бұрын-соңды айтқандығыңызды жақсы білетіндігіңізді, мәселе нақты кімге айтып бергендігіңізді ұмытқанда екендігін анықтап отыр. Қорықпаңыз, бұндай жағдайлар жалғыз сіздің ғана басыңызда емес.

3. Ұялы телефонды дәретханаға түсіріп алу

Телефонды қолдан түсіріп алу - бір бөлек, ал оны дәретханаға түсіріп алу - үлкен мәселе. Статистикалық мәліметтерге сүйенсек, әрбір бесінші адам өмірінде бір рет болмасын телефонын дәретханаға немесе су толтырылған ваннаға түсіріп алады екен.

4. Бір фильмді көріп қойғандығыңыз жайында өтірік айту

Немесе кітап оқығандығыңыз жайында. Өтірік айтуға себебіміз болмаса да, достарымызға бір фильмді немесе талқыланып жатқан кітапты оқығандығымыз жайында өтірік айтамыз. Бұл ақылды болып көрінуге тырысатындығымыздан болуы мүмкін. Бір қызығы ешкім жаңадан шыққан фильмді көргендігі туралы өтірік айтпайды екен.

5. Есікті керісінше ашу

Әсіресе, көпшіліктің көз алдында тұрып бұл әрекетті жасау қиындық тудырады. Архитекторлар мен дизайнерлер бірінші кезекте туындыларының көркем шығуын ойлайтындықтан, оның біздер үшін қолайлы болуын ескере бермейді. Ең қызығы есікті қай жаққа қарай ашу керектігі жазылып тұрса да, осы әрекетті қайталайтындығымыз.

6. Өлеңнің сөздерін шатастыру

Бұл көбінесе мектептерде әнұран айтып тұрған кезде байқалады. Біреулер «Ерліктің дастаны» деген жолдарын айтып жатса, екіншілері қайырмасында жүреді, үшіншілері, тіпті, аяқтап жатады.

Бір өлеңнің түрлі нұсқасы болатындықтан, оны түрліше айтамыз. Кейде сөздерін ұмытып қалсақ, өзіміз ұйқастырамыз. Сол ұйқастырған жалған мәтіндер жатталып қалады. Бұдан өзге адамдардың даусы бәсеңдеп, жоғарылаған сайын кейбір сөздерін түсініксіз естиміз. Алайда еріндерінің жыбырлағанына қарап нақты не нәрсені айтып жатқандығын ажыратып алу мүмкіндігіміз бар. Ал өлеңдерді кім айтып жатқанын көрмей, тек ғана тыңдайтындықтан, сөздерін шатастыруымыз заңды.

Бұндай оқиғалар сіздің басыңыздан өтті ме?

Answer 2

Сіздің сыныбынызда болған қызықты оқиғаны біз қайдан білеміз?Сондықтан қызық оқиғаны еске түсіріп,сол,ол,олар,біз т.б ларды қатыстырып сөйлем құрасаншы,бұл жеңіл емес пе?Біз отыр едік ол құлап қалды,біз күлдік деп)) ше жаза берсенші!)

Comments

Маған тура біздің сыныптың емес негізі сыныптың қызығы туралы жазса болады көмектесіп жіберіңізші 3-4 сөйлем жазсаныз ары карай озим жалгастырып кетемин басын бастап жіберінізші

Әбдімомын_Әлия 17.12.2013 пікір

Answer 3

2011 жыл, желтоқсанның жиырма тоғызыншы жұлдызы еді. Тағы да, мектепте жаңа жылдық концерт. Менің негізі, мектептерде, түрлі шараларда ән айтатыным бар еді. Жаңа жылдық концертке де бін ән дайындағанмын. Әннің аты: «Жаңа жыл». Сомен не керек, сол әнді айтатын болып үйден сөзін жаттап, ақ тер көк тер болып өлеңнің сөзін жаттағандай болдым. Дивидиге караоке дискіні салып жіберіп, 2000 мың теңгеге сатып алған микрофонмен «Жаңа жыл» әнін айтып күнде дайындалатынмын. Анам маған ән айтып жатқанда, қатемді түзетіп, былай айтасың, мына жерін былай айтасың деп, білгенін айтып отыратын. Бір жағынан ән айтуға анамның қосқан үлесі зор. Анамның арқасында біраз жаттығып қалдым. Үйде айтқанда өлең сөзін ұмытпай, әнді нақышына келтіріп орындап жүретінмін. Үйде дайындалған бір бөлек, мектепте дайындалған бір бөлек. Сөйтіп, желтоқсанның жиырма тоғызы да болды. Концерт кешкі жетілер шамасында басталды. Мен жаңағы «Жаңа жыл» әнін айтатын болдым. Концерт басталды, таяқ жерге тасталды. Жоғарғы сыныптың екі жақсы жүргізеді деген оқушылары сықиып киініп, қолдарына қара папкаларын алып қақшиып концертті бастап жіберді. Менің бір әдетім, өлең айтатын сәтім таяған кезде жүрегім лүпілдеп, қатты қобалжитынмын. Сонымен жүргізушілердің бірі: -Кезекті әсем әнді қабыл алыңыздар. Ән: «Жаңа жыл». Орындайтын: Бәленшеұлы Бәленше,-деп хабарлады. Қара костюм киіп алып, қызыл галстукты қақшиытп, қолдарым дір-дір етіп сахнаға қарай бет алдым. Залда көрермендер толып тұр. Ине шаншырлық жер жоқ. Ән басталды. Ішімнен «О Құдайым, әнді өз деңгейінде орындап шығайыншы»,-деп бір айттым. Сомен бірінші куплетті айттым, әрі қарай қайырмасы кетті, ән жүріп жатыр. Ал қызық енді басталды. Ішімнен екінші курлетті айтайын десем, ойыма түспей қойды. Ал, қырсық шалды деген осы. Әннің екінші куплеті басталуға санаулы секундтар ғана қалды. Мен болсам, екінші куплетті ұмыттымда қалдым. Ішімнен «Енді қайттым, не істеймін?»,- деген ойлар маза бермеді. Әй жәрәйді, екінші куплетті айта алмасам ұят болар,- дедімді ақындыққа бастым. Куплет басталды, мен ойдан жаңа жыл туралы сөздерді ұйқассыз аңыратып жатырм. Сондағы айтқан төрт жолым әлі есімде. «Жаңа жыл, жаңа жыл келді, Жаңа күн, жаңа күн келді, Құтты болсын, Жаңа жыл,құтты болсын, Ортаға шық билеңдер, кәне достар» ,- ал керек болса, дым ұйқассыз, қара сөзді өлеңнің әуеніне әрең деп келтіріп, қара терге түсіп, куплет біткенде «уффф» дедім. Мәз-мейрам көрермен, менің куплетті ұмытып, ойдан айтып жібергенімді де, байқамай қалды. Өйткені, көрерменнің өлең сөзіне қарайтын шамалары жоқ, барлығы мәз-мейрам болып отыр. Сөйтіп, өмірімде, ойдан төрт куплет өлең шығарып жібергенім бар. Өлеңде аяқталды. Барлығы қол шапалақтап жатыр. Басымды идімде сахнадан кетіп қалдым. Үйге келіп ата-аналарыма айтып едім, бәрінің тарқылдап күлмесі бар ма. Сөйтіп, жаңа жылды да өткіздік. Бұл оқиға ойымнан әлі күнге дейін кетер емес.